محمود حميدة في رسالة لإيناس الدغيدي بعد تكريمه بمهرجان الجونة: «تبقى القلوب طيبة»

وجه الفنان محمود حميدة، الشكر لمهرجان الجونة السينمائي، في دورته السابعة، بعد تكريمه على المسرح من قبل المخرجة إيناس الدغيدي.
كلمة محمود حميدة
وقال محمود حميدة: «شكرًا جزيلاً، الأول لازم أشكر السينمائية الكبيرة القدر المخرجة إيناس الدغيدي على الكلمة دي، أحسست أنها صادرة من القلب، ورجعتني مدة من الزمن».
وأضاف: «إحنا تعاونا مع بعض طبعًا، وكل همنا بيكون الشغل، وساعات مش بنبقى شايفين الناس اللي معانا في العمل، ولكن مع الكلمة بتاعتها النهاردة وضحتلي حاجات كتير، أن رغم الخلافات، بتبقى القلوب طيبة».

سعادة محمود حميدة بالفنانين الموجودين
وتابع محمود حميدة خلال حفل افتتاح مهرجان الجونة السينمائي: «وبشكر كل النجمات والنجوم اللي حاضروا، يسرا، لبلبة، إلهام شاهين، حسين فهمي وكلهم، والنهاردة السعادة مضاعفة جدًا، وخصوصًا إن في حاجة شخصية لازم أقولها النهاردة، وهي أنه كان عندي حلم بعمل مدينة ونعمل فيها مهرجان سينما كبير في مرسى علم، ومعرفتش أحققه، ولكن اللي حققوا نجيب وسميح ساويرس، اتنين مهندسين مش من شغلتنا ولكن هما عندهم حب كبير للسينما، لذلك أنا أتمنى أن المهرجان ده يكمل وميوقفش أبدًا».