قطار الفرحة كاسات طموحاتي سالت على أسفلت الواقع مركب أحلامي اتحطم على صخر اليأس تاهت مني سنين العمر جوا جيوب الماضي مخنوقة جواي الضحكة بحبال الأحزان مدبوح بسكين الهم قاعد تحت الضلة بتاعت وهمي مستني قطر الفرحة جنب عمود الصبر جالي سير على سكك الشوك كل ما يزعق أقول امكن جايب وياه الأيام الحلوة يوصل عند محطة بيتنا يقول توت توت ويسبني يفوت من غير حتى ما يسأل عني ولا حتى يقوللي كلام قطر الفرحة يا سيدي مليان أقعد مستني القطر التاني يمكن يجى ونقدر نحجز لينا مكان