انتقد الشاعر الشاب سعيد شحاتة المجتمع المصري بجميع مؤسساته وخاصة اتحاد الكتاب المصري ووزارة الثقافة في مواجهته لموضوع علاج الشاعر الكبير " طاهر البرنبالي" حيث لم يجد امامه الا ان يكتب قصيدة له للوقف معه في منحته بعنوان" الارض لسه نشيد برنبالي" وكان الشاعر طاهر البرنبالى قد تعرض لوعكة صحية، بسبب إصابته بسرطان فى الغدد الليمفاوية وذلك جراء عملية أجراها لزرع الكبد منذ سبع سنوات واضطر بعدها لتناول بعض الأدوية أصابته بتثبيط فى المناعة.
طاهر حزين والضىّ فى عيونك حزين وردِك حزين وشهيدك النعسان على كتفك حزين النيل حزين والفل فى عيون اللى بيحبك حزين الطين حزين والأخضر/ اليابس حزين الحزن خيّم جوّا ناسك أجمعين طب مين هيكتب لك نشيد الفرح الكدابين طالعين يلمّوا الطرْح والجرح أوسع من عنيكى السود قطعوا الكلاب الفرحه من ع العود طرحت حدودك فى الخلايا حدود فرحوا اليهود بالنصر طاهر ما زال موجود يا دود القصر طاهر حزين والحزن أصبح مصر والنصر فاتح عبّه للأغراب دخل الغراب طرح الخراب ع الباب صبح الدهب فى كفوف حبيبتى تراب وقف القتيل على دكّة الأعتاب دخل الوطن فى جوّا الكلام يضحك طلع الوطن ممنوع من الإعراب يا نهار مسافر فى اغتراب الريح ابنك طريح فى مواكب التصحيح ابنك وقع مع زقّة المراجيح صبح الصحيح سبعه شبعوا الكلاب وانفضت الرُّبعه وانتى اللى جوعك جاى ورا شبْعَه يا حالفه بالعديّه والرّابعه ومكتّفانى ف ساحة الأحزان إنسان أنا... واللا الشيطان إنسان يا أيهذا الكائن الغايب يا موقّف الأباليس على القضبان ومسلّط السجّان على السجّان يا مركّب العايب على العايب وقّف جيوشك أيها السلطان طاهر ما باعش السنبلات للآن يا موضيين الحلم بالرّايب الحلم ساعة الجد للجدعان سبّح وقول على سبحة التايب لسّه البطل ما ظهرش للفرسان وقّف جنودك يا جبان الروح الحلم طالع م الوريد مدبوح طاهر ما زال مشبوح على الصلبان يا أرض فايره ويا وطن بردان لحظة أدان الفجر بتقرّب الليل ضعيف والحبل بيحرّب والشمس خايفه تسرّب الأحلام طاهر أمير المعركه الساكت جايب معاه النصر من قدام أيام وماشيه ف سكّة الأيام وإمام بيترك للإمام الأمر الأرض فارت والحزانى نيام وانت اللى مزروع لاجل تطرح تمر هزّ الهلايل م السودان للشام وطنك محاصر بالهنود الحُمر وطنك محاصِر فرحة الأيتام والطين معاند ع الوشوش السُّمر والعُمر سيف للفارس القادر للى اتسجن ومازال بيتصادر يا أيهذا النادر المكبوت هو اللى عاش لاجل الوطن بيموت يا صوت بلدنا الظاهر العالى لو كنت طاهر أو برنبالى اصرخ وزلزل صمتك الحالى واكسر حيطانك واستعد وفوت يا توت بلدنا إن كان هيطرح توت صدقنى طعم القوت ما عادش يلذّ والعنفوان اللى ف وريدى اتهز وبلدنا نخّت وانتشى المُبتزّ واتذلوا ناسك والجبان اتعزّ وأنين كلامك حزّ فى الساكتين يا طيّبين يا سيّده يا حُسين طاهر حزين طاهر سجين طاهر رسم للجنه مليون احتمال و احتل عرش الجنه جيش الكدابين يا طيبين الأرض يا حيطان البيوت العنكبوت نسج السكوت ع الشمس طرحت شواشى الأمس فى الجدران يا اللى ابتديت الحرب بالشايب طاهر ما خاضش المعركه للآن ولا ناوى يدخل حرب كدابه ركعوا الأسود لتعلب الغابة إخوات وطرْحة بطن قلاّبه يا أرض بور وجاموسه حلابه ليه الغلابه بيعشقوا الترحال؟ ليه كتّفوكى وقالوا دمّ حلال؟ ليه عبّوا حلم الطيبين فى شوال زرعوا الضلال طرح الضلال أحمال طاهر ما باعش وغيره باع بريال صلوا الرجال فى مواكب الصبار ما اعرفش مين اللى ابتدى الحاله أو مين رمانا ف حجر خولى أنفار داخل علينا الاحتلال ماريشال والقلب واقف ع الطريق زنهار ما اعرفش مين خبّط على الخلخال ونفانا فيكى ومكّن الأحبار يا كدبه طالعه ف نشرة الأخبار فرضوا الحصار على قبّة الجامع والطمى مش سامع غناوى النور افرد شراعك وانطلق ع السور وابعت طيورك للمدى المسحور واضحك ودور وارمح وحج وزور حكموا البلاد بالزور وبالعافيه يا عم طاهر ظبّط القافيه النيّه صافيه ولانتقام مطلوب والحق جاى بالرمح أو بالطوب اطلع وجرّب وابتدى وحاول واغسل ذنوبك وكفيانا ذنوب الأرض أرضك والندى مقاول والغير دهسها وعاشها المقلوب اخلع يا طاهر توبك الدبلان لسه القلوب الطيّبه بتتهان يا أيهذا الكائن الخاين يا أيهذا الكائن الخوّان طاهر ماباعش السنبلات للآن طاهر ماباعش حصان محبينى طاهر مازال حِطيّنى فى التطبيع طاهر ما باعش وعمره يوم ما يبيع طاهر ما زال واقف على الأشهاد مستنى يركب جنب أىّ ربيع ***************** طاهر ما زال تشريع فى ليل خالى والأرض لسّه نشيد برنبالى
