حلت الفنانة ريهام عبد الغفور، ضيفة على إيناس سلامة الشواف، ببرنامج لأول مرة، على راديو اينرجي 92.1 للحديث عن الكثير من تفاصيل حياتها وأمور حدثت في حياتها لأول مرة. وقالت الفنانة ريهام عبدالغفور خلال تصريحاتها، إنها بعد العامين الماضيين تعودت على أن تعيش اللحظة بكل ما فيها خصوصا وأن الدنيا تتغير في ثانية، كما أنها تعودت ألا تضع خططا للأيام المقبلة، مشيرة إلى أن عام 2020 جلب لها صدمات وأوبئة وأدوات، ولكنها ترى أن القادم سيكون أفضل. وتحدثت ريهام عبد الغفور عن انطباعها الأول وطرق حكمها على الآخرين، قائلة: «الانطباعات الأولى لا تدوم بس أنا مبستعجلش في الحكم على الناس وبديلهم فرصة ولا أحب تكوين فكرة عن الأشخاص من أول مرة، ولو حد واخد انطباع عني غلط كنت ممكن أصحح له وبأكون مقهورة لغاية ما أصحح له الفكرة لكن دلوقتي لا مش ببذل المجهود قوي». وأضافت ريهام عبدالغفور، «الحب الأول مش وهم، ومش هيجي زيه لكن لما بنكبر شوية بيكون الحب حقيقي أكتر»، مؤكدة على أنها عرفت قيمة الأشياء والنعم في حياتها بعد أزمة فيروس كورونا، «بقيت ممتنة لكل الحاجات اللي كانت عادية زي إني قادرة أزور أهلي وإني أقدر أسافر». ووصفت ريهام عبدالغفور نفسها قائلة: «شخصيتي لا تعرف اليأس، وأنا شخص فايتر وبكمل لو عملت حاجة منجحتش بتعلم منها، وكل عمل بدخله بشتغل كأني أول مرة أشتغل وأمثل بنفس الحماس والتوتر وكل حاجة، ولو عملت حاجة ومنجحتش التجربة اللي بعدها بيبقى عندي حماس أكبر عشان مش عاوزه أتهزم أو أتكسر كأنها أول مرة بس بخبرة أكبر». وكشفت الفنانة ريهام عبدالغفور عن روتن يومها، «أول حاجة أحب أبدأ بيها يومي إني أشوف ابني الصغير وأبوسه وأحضنه، وأول حد بتصل بيه هي أمي وأول مشروب ليا الشاي بلبن، وأول لعبة في الجيم بمشي شوية على المشاية لكن أنا مش غاوية رياضة، ومؤخرا اتجهت لليوجا». واستعادت ريهام عبدالغفور ذكريات بداياتها مع التمثيل قائلة: «أول لوكيشن صورت فيه كان ستوديو النحاس وأول مشهد تمثيل مع أستاذ يوسف شعبان ونهال عنبر في العائلة والناس، وأول عمل حسيت إنه بدايتي الحقيقي هو فارس بلا جواد والناس التفتت لي فيه، وأول حاجة عملت جمهور كبير أكثر كان مسلسل الريان، أول مرة بعمل دور واحدة قاسية القلب بزيادة شخصية عايدة في قصر النيل». واختتمت ريهام عبدالغفور حديثها، قائلة: «أنا مبحبش الناس المتملقين والبخلاء والناس اللي مبيطمرش فيها بس دي بتحتاج وقت عشان تعرفيهم»، كاشفة أنها من عشاق البيتزا، «أنا بحب البيتزا وهي اختياري الأولي في أي مكان بروحه».