قالت الفنانة هالة صدقي، إنها ليست ضد قيم وتقاليد المجتمع عندما تحدثت بشيء إيجابي عن المثليين، موضحة: «المجتمع يرفض المثليين هو حر، بس هو أنا هبقى عارفة كل شخص اتجاهاته إيه؟!، أنا لي الإنسان اللي بتعامل معاه، ولا علاقة لي بدينه أو لونه أو اتجاهاته». وأضافت صدقي، خلال حوارها في برنامج «شيخ الحارة والجريئة»، مع الإعلامية إيناس الدغيدي، على شاشة «القاهرة والناس»: «فيه أسامي ناجحة كبيرة ومشهورة وقدمت خدمات من المثليين، يا فرحتي الواحد يبقى طبيعي والمجتمع شايفه طبيعي، وهو يبقى قتال قتلة ويبقى مجرم». وعن مدى تقبل المجتمع لهم، ردت الفنانة: «المجتمع مش هيقبل كده عشان احنا متربناش على كده، بس مش معنى ذلك أحاسب كل شخص عن اتجاهاته، ممكن يكون وهو طفل اتعرض للتحرش وسبب له هذه العادة، وممكن يكون مولود كده».