كشفت الفنانة نيرمين الفقي، سبب غيابها الفترة الماضية والشائعات ضدها، قائلة: «مكنتش قصدي غياب بشك إطلاقي، لكن المشكلة عندنا، ودة اللي افتكرته على كبر، إنه بمجرد ما بتختفي أو تحصلك ظروف معينة مش بتلاقي حد حواليكي، وللأسف فضلت فترة عمالة أقول معقولة مفيش حد بيتصل أو مهتم؟». وأضافت «الفقي»، خلال لقاء ببرنامج «معكم منى الشاذلي»، المذاع على شاشة قناة «CBC»، وتقدمه الإعلامية منى الشاذلي، «هرجع أقول ميرسي لحنان شوقي وشيرين (صرصار حُبنا) فاجئت بتليفون بالرغم أنهم مش أصحابي، وهما اللي زاروني أيام والدتي، وعملوا معاها فيديو رائع وقولتلهم ميرسي إنكم عملتوا الفيديو دة مع أمي فبسمع صوتها عالطول». وتابعت: «لما رجعت في مسلسل (جبل الحلال) تصورت أن أنا برجع كنرمين تاني، وكانوا بيقولوا زمان إن الفنان اللي بيقعد بيبقى مطلوب أكبر ميبقاش بالبلدي يبقى زي الحنفية، فلقيت العكس، والعروض اللي جاتلي مكنتش لطيفة فقعدت اعتذر اعتذر لحد مسلسل (أبو العروسة) فمخرج العمل افتكرني بردو هعتذر، لأنه قال نرمين مش العروسة، لكن محور الحدوتة، ولما حاكولي اتبسطت، وكان فيه حالة عندي بتقولي إن العمل دة هيكون حلو، وبالفعل نجح جدا وبقى تريندات، حبيته وحبيت كواليسه». ونشرت الفنانة نرمين الفقي، صورة تجمعها بالفنان الكوميدي رامز جلال، من كواليس موسم سابق لبرنامج المقالب الرمضاني، وهي تحتضنه والابتسامة على وجه الثنائي. وعلقت «الفقي» على الصورة التي نشرتها عبر حسابها بموقع تبادل الصور والفيديوهات «انستجرام»، قائلة: «مقلب رامز.. وأنا شربت المقلب»، دون أن تكشف أي تفاصيل من سيناريو البرنامج الرمضاني المنتظر.