دشن عدد من نشطاء "تويتر"، هاشتاج "الثانوية العامة"، للتواصل حول توقيت ظهور النتيجة، والتخفيف من حدة القلق الذي يمر به طلاب وأولياء أمور الطلاب، في ظل حالة من التأهب والترقب، وانتظار إعلان نتيجة الثانوية العامة للنظام الحديث، لعام 2013-2014 اليوم. وقال "وليد الدالي": "لو كنت ثانوية عامة ومستني النتيجة، مكنتش هخاف على إني أجيب مجموع وحش، على قد مكنت هزعل على الناس اللي واثقة فيا إني أحسن من كدة، أولهم أمي". وعبر "شريف حسن" عن سخطه من تأخر ظهور النتيجة، قائلًا: "قلق وتوتر وفلوس بالهبل بتندفع، وتطفل من الأقارب والجيران، على حاجة ملهاش أي 30 لازمة في الحياة بعد كدة". وقدمت "مرام" النصيحة إلى طلاب الثانوية العامة: "نصيحة لبتوع الثانوية العامة، البنات ما يدخلوش علوم، وإوعي تاخدك جلالة بالاسم يا اختي انتي وهي.. اللهم بلغت اللهم فاشهد". وانتقد النشطاء ما وصفوه ب"وقوع موقع وزارة التربية والتعليم" قائلين: موقع وزارة التربية والتعليم واقع من دلوقتي، أمال لما ندخل نجيب النتيجة هيشتمنا!". وقال "مهنى" ساخرًا: "اللهم ارزقنا الزغاريد وأبعد عنا الصويت"، أنت اتأخرت ليه كده يا ابني؟ وفين النتيجة ؟ متغيرش الموضوع يا حاج أنا اتأخرت ليه كل ده؟". وقالت "سارة": "احنا ممكن نكتفي بهذا القدر من التعليم، ونقعد في البيت ونتجوز وخلاص بدل ما نعيش اللحظات اللي بتوع الثانوية العامة بيعيشوها دلوقتي". فيما حاولت "ريم" تهدئة الطلاب، قائلة: "انت عملت اللي عليك والباقي على ربنا، أيًا كان ظلم البشر اعرف دايمًا إن الاختيار اللي جاي ده الخير اللي انت مش شايفه بس ربنا شايفه".