أنا تكتك تك تك تكاتيكى ماشى وباغنى بمزازيكى ولا يقدر حد يكلمنى ولا حدش ف الحته شريكى ** أنا تكتك ماشى وبتفسَّح ويسوقنى البيبى المتكسَّح بيغيير المرسيدس منى وبيجرى ورايا ويتمسَّح ** أنا تكتك ماشى ومتزوَّق إشارات وستاير متروَّق تندهللى أجيلك ف دقايق تكييفى طبيعى وبيفوَّق ** أنا تكتك تك تك تكاتيكى ماشى وباغنى بمزازيكى ولا يقدر حد يكلمنى ولا حدش ف الحته شريكى ** ** أنا تكتك طاير طير بتمخطر آه وبازمَّر وماشى ف عكس السير وف كل زبون بتأمَّر لا تقول اوتوبيس ولا تاكسى لو أنفخ فيه يدَّمر ** أنا تكتك تك تك تكاتيكى ماشى وباغنى بمزازيكى ولا يقدر حد يكلمنى ولا حدش ف الحته شريكى