عارف ؟ قوة كل مدافعه وطلقه متهزش وطنك على قد ما بتزلزل أوطان الدنيا أغانيك.. معانيك وسطورى الجلاّد مخلوق أسطورى شىء فى خيالك مش فى الواقع ما انت اللى بتخلق جلادك فتلة صمت و فتلة صمت نسيج جلادك يكبر جداً يبقى مخيف رغم إنه مجرد خيط وقماش وإنت العالِم إنه ضعيف وإن سكوتك سبب الاستوحاش كل الخلق اجتمعوا وجمعوا تناقض حالك ضربوا كفوفهم فيك واحتاروا كاره عتم السجن لكنك ناصب زنازينه ومختارُه السجن ده أصلاً جوه القلب مهوش زنزانة أو قضبان السجن شعور جوّاك ف ضرورى يولد فيك مليون سجّان