قال الإعلامي عمرو أديب إن في عام 2013 قالت جماعة الإخوان الإرهابية إن الرئيس المخلوع محمد مرسي سيعود خلال 3 أشهر "عدى 3 في 3 سنين في 3 سنين لا مرسي رجع ولا اللي مع مرسي رجعوا". واستنكر عمرو أديب: "أنا عاوز أفهم قطر عاوزة مننا إيه؟.. الجزيرة عاوزة مننا إيه؟.. إنتوا عاوزين مننا إيه؟.. إنتوا خلاص في سن اليأس، دورتكوا الإرهابية قد نضبت.. خلاص مبتجيش.. ولادنا نشفوها إنت مش لاقي إرهابيين.. ولادنا حرروها، بس ييجي يفكرك بالدماء الذكية اللي سالت". وتابع عمرو أديب: "لازم تضحياتهم يكون ليها معنى إنك تفضل ثابت وقوي وتاخد بالك من اقتصادك وبلدك.. دول مبيموتوش كدا.. أنت كمان لازم تحارب في مكانك.. هي هي نفس الحرب.. الله يرحمهم". وأضاف عمرو أديب، خلال حديثه ببرنامج "الحكاية"، المذاع على شاشة "MBC مصر"، "الإخوان بيفكرونا وبيقولونا اوعوا تنسوا هما لسه ورانا ولسة عاوزنا.. الناس كلها ملهية في كورونا ومفيش إرهاب في العالم كله لكن الإرهابيين بتوعنا من أقذر ما يمكن مبيفرقش معاهم". واستكمل أديب: "أنت بتضرب في الشعب والمواطن والإنسان.. العسكري ده مين وأهله مين.. وإن شاء الله تفضل البلد دي قوية وعمرها ما هتبقى سوريا ولا العراق".