الحقيقة ليه غريبة ..والثوار طلعت عميله...والفلول طلعت بريئة ..والأخوان عاملين حريقه ..ومصر وسط كل ده غريقه ...أنتو مين ..طب والشهامة والبساله كلهم ..صبحوا علامة... تعجب وأحتمال ؟؟..والسؤال ..والأختلاف العبثي ..لنقطة البداية بيرجعنا تاني ...هي ثورة أم مؤامرة؟؟ .. طب والغلابة اللي راحوا بعد عيشة الجوع سنين ...جاي تقولي ياللا نرجع للقديم ..ياخي أنسى ..تبقى اصلا ماعرفتش بهيه تبقى مين ..تسكت لكن اللي في القلب له عازه ..لما تقوم على حيلها يركع قدمها أتخن تخين .. هو كده طبع الحريم ..الحر في بلادنا ... ما بالك بقه بالسمر الطيبين ... اللي صرخوا من الألم يوم ورجعوا للبيوت اللي مافيهاش ولا حتى قوت ..وسابوها للديابه والتجار ببضاعة أرخص مالتراب ... بس اللي حازز في نفسي دم العيال اللي أطهر من ندى الفجر العليل ..اوعوا تنسوا مهما فات الوقت وللا جم يسرقوا الحلم العنيد ..وخدامين كل اللي يدفع اكتر .. هيفضلوا مهما عليوا .. برضه خدامين ..لكن التاريخ ما ببنضحكش عليه خلاص ..ومستني يكتب في أول سطر من الصفحة الجديدة ....جه خلاص .. يوم الخلاص