وادي بكرة اللي جاي ثاير قال حزين على يناير! سأل وقال يا شعب فين.. رد وكان ف جوابه حاير! فين يا شعب الإنسانية؟ فين حرية ومسؤولية.. والجواب كان اللي جاي إحنا أصلًا شعب ملهوش غير ف الكلام.. غير الصور.. والبكا والعَلَم.. اللي على حطان الأوض.. والشعار اللي على لسانا خلاص.. حمض.. إحنا أصلًا شعب ملهوش ف النظام.. شعب كل اللي يهمه.. ياكل ويبرطع ينام.. نفسي نبقى: شعب عايش جوة شارع.. جوة حارة والزقاق يبتسم يضحك يلاغي.. شعب ملهوش ف الخناق! استحالة إنك تلاقي أي زحمة ف المرور! واستحالة إنك تلاقي أي زحمة على طابور! إحنا أصلًا شعب ثار بس عنده الثورة هي.. يغيب القط العب يا فار! وإن حصل شيء م اللي نفسي ابقى موت يا حمار