قال الكابتن مجدي عبدالغني، عضو مجلس إدارة الاتحاد المصري لكرة القدم، "أنا عمري في حياتي ما صاحبت صحفي، علشان يكتب عني، بدراعي أخلي الصحفي يكتب عني غصب عني، وتاريخ حياتي بيأكد ده". وأضاف "عبدالغني"، خلال حواره الخاص مع الإعلامية هبة ماهر، ببرنامج "8 الصباح"، المذاع على شاشة "DMC"، "أنا بدأت بالناس بتشتمني؛ لحد ما وصلت إن الناس لما متلاقنيش في الملعب تحط إيديها على قلبها، وبدأت إني راجل مبعرفش ألعب كورة لحد ما وصلت هداف النادي الأهلي". وأشار "عبدالغني" إلى أن الحديث عن تقسيم الوقت بينه وبين الكابتن أحمد مجاهد، ماهو إلا "هزار"، مؤكدًا أن الأحاديث المثارة حول وجود خلافات غير صحيحة. وتابع "عبدالغني": "أحمد مجاهد حياته كرة القدم وتتحاد الكرة، وعنده قناعة إنه علشان يقدر يتكلم مع حد من الإتحاد أو يعادل نجومية حد إنه لازم يكون متفوق في حاجة، وهو عنده حق، وهو بيتفوق إنه عارف كل كبيرة وصغيرة في اتحاد الكرة، وإن كان تدخله في كل حاجة بتجيبله مشاكل وبتعمله وجع دماغ". واستكمل "عبدالغني"، أنَّه متواجد في اتحاد الكرة يوميًا، في حال عدم سفره، مضيفًا "أحمد مجاهد مبيعرفش ميدخلش، حتى لو الموضوع مش بتاعه"، شارحًا "إحنا مقسمين مهام كل واحد، أنا في شؤون اللاعبين، وهو في شؤون المسابقات، ولو أنا سألت حاجة في المسابقات يزعل، ولو هو سأل في شؤون اللاعبين المفروض عليا منه أقبل". واستطرد "عبدالغني": "لو معايا ضيف وهو قاعد وبنتكلم والصوت علي شوية والموضوع تطرق لشيء يخص الاتحاد، أحمد يرد، هو شخصيته كدا، ولكن على المستوى الشخصي أنا بحبه جدًا".