«تقدمت للاختبار للوظيفة وأنا أعلم أننى سأهاجَم وستنال منى الشائعات والأكاذيب كما نالت أبى وأسرتى منذ توليه المسئولية، وللعلم مرتب الوظيفة ليس بالآلاف ولكنه 900 جنيه شهرياً، ومع هذا اخترت ألا أكمل تقدمى بأوراقى لهذه الوظيفة.. ويبقى السؤال: كيف يمكننى أن أحصل على وظيفة فى بلدى الحبيبة مصر؟».. كلمات كتبها «عمر» نجل الرئيس محمد مرسى على حسابه بموقعى التواصل الاجتماعى «فيس بوك وتوتير»، قوبلت بتعليقات من نشطاء على الشبكة العنكبوتية، حيث قال «بسام»: «ابن محمد مرسى عايز وظيفة، حد يقول له إن فيه 8 ملايين متخرجين قبله بسنين ولسه بيسألوا نفس السؤال»، وقال هانى الديب: «أنا عندى صاحبى معاه 7 لغات ومش لاقى شغل مش هاقول أكتر من كدا، يعنى ابن مرسى يغسل صحون أفضل»، وقالت «شروق عادل»: «يلف كعب داير على كل حتة، يشتغل مندوب مبيعات أو كول سنتر، هىّ دى بلدك الحبيبة»، وقال معتز الشرقاوى: «إحنا اتعودنا إن العيلة دى بترجع فى قراراتها على طول، من شابه أباه فما ظلم». تراجع نجل «مرسى» عن تسلم قرار تعيينه جعل النشطاء ينشئون «هاشتاج» جديداً باسم «ابن مرسى لو عايز يتعين يعمل إيه؟»، أجاب فيه النشطاء عن السؤال، وقال «أحمد الدرينى»: «يخلى بابا يفتح له جميعة جيل المستقبل من تانى ويبدأ المشوار من أوله.. أسوة بالسلف الصالح مبارك»، وقالت «آية حسن»: «يشتغل ريس زى ابوه، لأنه أثبت جدارته فى إنه ياخد قرار ويتراجع عنه زى ابوه بالظبط»، وقال «خالد عادل»: «يشترى الأهرام كل جمعة، وآدى دقنى لو اشتغل، خليه يقعد فى البيت زينا، هو مش أحسن مننا»، وقال «مهاجر»: «يقول لاخوه اللى فى السعودية يجيب له عقد عمل ونرتاح منهم».