أثار قرار إخلاء سبيل صفوت الشريف، رئيس مجلس الشورى السابق، بكفالة 50 ألف جنيه في قضية الكسب غير المشروع، العديد من ردود الفعل لدى نشطاء موقعي التواصل الاجتماعي فيس بوك وتويتر. وكتبت القارئة ساندي حسام "أين أنت يا مرسى؟ القتله خدوا براءة، إزاى صفوت الشريف ياخد براءة، ويسقط يسقط حكم المرشد"، فيما كتب عبدالحق حسن "الرجولة بتقول بما إن صفوت الشريف طلع براءة من الجمل والكسب فى الطريق، يترد له حقه، مرسى يعينه رئيس مجلس الشورى بقى، ماهو كله فلول". وبمزيد من السخرية كتب ناشط "يعنى الثورة الجاية على الإخوان هنلاقى فى الميدان صفوت الشريف بدل صفوت حجازى، وكأن أهم حاجة إن يبقى في الميدان واحد اسمه صفوت وخلاص"، فيما كتب علاء الدين "بعد الإفراج عن الشريف واحد إخواني بيقوللي موتوا بغيظكم"، فيما كتب آخر "الإفراج عن صفوت الشريف بما لا يخالف شرع الله، إحنا في زمن الشريعة والاستقرار". وعلق نادوس فكتب "صفوت الشريف خرج فى وقته، يا إما يمسك الإعلام ويظبطه زى زمان، يا إما يمسك مجلس الشورى ويحضنا كلنا من تانى". وربط أحمد سيف خروج صفوت الشريف ببدء أولى جلسات مجلس الشوري غداً فكتب "صفوت الشريف خرج علشان يحلق دقنه ويظبط نفسه كده علشان بكره أولى جلسات مجلس الشورى وهو اللى معاه مفاتيح الادراج". كما استنكر "حودا نجم" القرار فكتب "لما الزند يبقى بطل قومي وصفوت الشريف يخرج من السجن يبقي خسارة فيكي يا بلد اللي ماتوا شهدا عشانك"، وأخيرا كتب محمد "إخلاء سبيل صفوت الشريف تحقيقًا لوعود مرسي بالإفراج عن الثوار".