قابلت مواقع التواصل الاجتماعى "فيس بوك" و"تويتر" خبر عودة أحمد شفيق إلى السباق الرئاسى، بعد استبعاده منه، بصدمة جعلتهم يتناولون القرار بمزيد من السخرية. حيث قال باسم يوسف الاعلامي المعروف "مادام شفيق رجع يبقى (أبوإسماعيل) المفروض يرجع". وعلق علاء عبد الفتاح، الناشط السياسى، قائلا "طيب ما الثوار نزلوا يطلبوا بتغيير المادة 28 عشان فاروق سطان رئيس المحكمة الدستورية يحكم في الطعون على نتائج فاروق سلطان اللجنة عادي يعني". وقال محمد عبدالسلام ساخرا: "بيقولك فاروق سلطان رئيس اللجنة الرئاسية ارسل قانون العزل لفاروق سلطان رئيس المحكمة الدستورية عشان يشوف القانون دستوري ولا لأ!" ومن جانب قابل الفنان نبيل الحلفاوى القرار قائلا: "قبل أن يندفع البعض فى حسابات خاطئة.. فعودة شفيق تؤثر على فرص موسى.. شوفوا بقى مين اللى يسعد ومين اللى يبتئس". اما علاء موافى: "المفروض شفيق يوزع علينا بونبونى حلاوة الرجوع.. وهو كده كده عنده جوه مش هيشترى". بينما قال على عاطف (محام) :"على اى اساس قانونى تحيل لجنة الانتخابات الرئاسية مايعرف بقانون العزل الى المحكمة الدستورية لبيان دستوريته من عدمه؟، اليست هى لجنة ادارية مشكلة من قضاة واختصاصاتها محددة على سبيل الحصر بنص المادة 7 من قرار مباشرة اللجنة لاختصاصاتها والمادة 27 و28 من الاعلان الدستورى؟". وعلقت سارة درويش "عرفنا إن شفيق رجع الانتخابات، خلاص سيبونا نتفرج على فاطمة". وعلقت صفحة (بورتو طره من اجلك انت) على قرار عودة شفيق قائلة :"نداء للفلول رجع يابنى انت وهو صور شفيق تانى ونزل صور موسى المخزن اللى طلعتها امبارح عبوكو كلكو.