إنتقدت صفحة "أنا آسف ياريس" جماعة الإخوان المسلمين، وحزبها السياسي "الحرية والعدالة"، ومشروع النهضة قائلة :" ناس ماتت فى فتنة دهشور وجنودنا ماتت على الحدود وسيدة توفت في المترو بسبب إنقطاع الكهرباء وأطفال كل يوم بتموت في الحضانات وحوادث بتم كل يوم على الطرقات". وأضافت الصفحة :"لو كل ده مش مسئولية مرسي ولا يحاسب عليه حكومته، أومال مين اللى يتحاسب، أكيد الشعب هو اللي لازم يتحاسب لأنه أختاركم". وأشارت الصفحة: "ولما تيجى تكلمهم اللجان الالكترونية بتاعت الاخوان تقولك يعنى مكنش بيحصل كدة في عهد مبارك، قولهم على الاقل حسنى مبارك بيتحاسب دلوقتى لكن أنتو مين اللى هايحاسبكم وهل الشعب إنتخبكم علشان كل ما تحصل مصيبة تقولوا ما هي كانت بتحصل في عهد مبارك". متسائلة الصفحة:"أمال فين مشروع النهضة وفين محاسبة المقصرين والمخطئين؟"، وتعجبت الصفحة قائلة "نستغرب جداً بشعب مغيب بيحمل رجل سجين ومريض مسئولية كل شىء ويترك الحاكم والحكومة المسئولة عن إدارة شئون البلاد، حقاً تباً لكم وتباً لمن انتخبكم" .