(ولسة) ولسة الحلم بيعافر.. ف بطن الليل.. وبينقر على الدماغات... لحد الصبح ويسافر.. مع المتاهات.. ولما اسأل عليه فينو؟ يقولوا مات.. واشوفه ساعات بيتنقل.. وياخد م الصور 100 ملاغية ف عيون حبيبين على الكورنيش.. لا ف ايدهم يعرفوا مصيرهم... ولا قادرين يسيبوا بعض.. وبستاني النهاردة ماعدش يتصاحب عليه الورد. ولا العصافير على كفوفه... بتعزف أحلى أغنية.. ف عز البرد.. وتجري لجل ما تصبح على الناس ف البيوت.. تصحى.. تصحى البسمة ف عيون الفواعلية..ف عز الحر وتغزل وسطهم خضرة و.. ترسم نهر.. وحيلي مش كما امبارح... وخلقي عاد كلام جارح... ما عدشي يحتمل ممكن.. ولا يمكن.. ولا جايز.. ومش ه الحق اصحي حد..! و م ش ه ا ل ح ق ا ص ح ي ح د...!