يمكن للأمهات إعداد صوص الشوكولاتة لتزين التورت والكيك والحلويات بخطوات سهلة وبسيطة بأسهل طريقتين تابعوا قراءة المقال التالي لمعرفة طريقة التحضير. طريقة عمل صوص الشوكولاتة في المنزل الطريقة الأولى المكونات: كوب حليب 3 معلقة كبيرة سكر معلقة كبيرة نشا معلقة كبيرة كاكاو خام ربع معلقة صغيرة نسكافية (قهوة سريعة الذوبان) 60 جرام قطع شوكولاتة أو شوكليت شيبس طريقة التحضير: اخلطي كل المكونات في كاسرولة أو حلة على البارد لحد ما المكونات تمتزج مع بعضها كويس. حطي الكاسرولة أو الحلة على نار متوسطة وقلبي كويس بمضرب سلك يدوي وأول ما الصوص يبدأ يتقل ضيفي قطع الشوكولاتة أو الشوكليت شيبس مع التقليب المستمر لحد ماتحصلي على القوام المطلوب وبعدين ارفعيه عن النار وضيفي الزبدة أو الزيت وقلبي كويس وسيبيه يبرد، وبعدين حطيه في برطمان محكم الغلق ودخليه الثلاجة لحين الاستخدام. بلاش تسيبي الصوص فترة طويلة على النار عشان ميبقاش تقيل، ولو حسيتي إنه تقيل هتزودي شوية حليب، كل ما كان الحليب أكتر كل ما كان الصوص أخف. يستخدم الصوص في تزيين الكيك والحلويات بأنواعها. الطريقة الثانية المكونات: كوب حليب سكر بودرة زيت نصف كوب كاكاو خام طريقة التحضير: نحط الحليب والسكر في الخلاط الكهربائي ونضربهم كويس لحد ما يمتزجوا كويس والسكر يدوب. نضيف الكاكاو ونضرب كويس لحد ما الكاكاو يدوب. نبدأ بإضافة الزيت للخليط خيط رفيع بالتدريج مع الإستمرار في الضرب لحد ما يتكون معانا صوص الشوكولاتة اللذيذ، ولو حابة الصوص يبقى تقيل أكتر زودي كمية الزيت. استخدمي الصوص في تزيين الكيك والحلويات والآيس كريم وممكن تحفظيه في برطمان زجاجي وتدخليه الثلاجة لحين الاستخدام.
