صوص الشوكولاتة اللذيذ هو كلمة السر في الحلويات الشهية.. تعرفي على طريقة تحضيره بطرق مختلفة وكيفية تزيين الكيك الجاهز به. طريقة عمل صوص الشوكولاتة سهلة وسريعة، ويمكن تحضيره في المنزل دون شرائه من المحال بأسعار مرتفعة، وهو يحتوي على الدهون وسعرات حرارية مفيدة للجسم إذا لم يتم الإفراط في تناوله. إزاي تعمل صوص شوكولاتة؟ صوص الشوكولاتة الطريقة الاولي: المكونات – 2 كوب حليب – نص كوب سكر بودرة – نص كوب كاكاو – معلقة كبيرة نشا – معلقة كبيرة زبدة الطريقة في وعاء على النار..ضيف المكونات كلها ما عدا الزبدة مع التقليب المستمر لما الخليط يسخن وقوامه يتقل..شيله من على النار واضربه بمضرب البيض – ضيف الزبدة وبعدين قلبه كويس تاني الطريقة الثانية: المكونات 100 جرام شوكولاتة مبشورة – 500 ملي حليب نص معلقة صغيرة قهوة سريعة الذوبان معلقة صغيرة عسل أبيض – 15 جم زبدة الطريقة في وعاء على النار..ضيف الحليب لحد ما يدفى وبعدين ضيف القهوة والعسل والزبدة وقلبهم كويس – ضيف الشوكولاتة مع التقليب المستمر والسريع لحد ما تدوب لو عايزه تقيل .. ضيف كمية بسيطة من النشا تدريجيا لحد ما يوصل للقوام اللي تحبه. الطريقة الثالثة: المكونات – 4 بارات من نوع الشوكولاتة اللي بتحبه زبدة كوب حليب سكر بودرة معلقة صغيرة نشا الطريقة: – ضيف الزبدة والشوكولاتة على نار هادية لحد ما تدوب تماما ضيف الحليب تدريجيا مع التقليب المستمر – ضيف النشا والسكر مع التقليب المستمر..شيله من على النار لما يوصل للقوام اللي تحبه الطريقة الرابعة المكونات الكمية اللي عايزها من شوكولاتة الخبز المحلاة سكر بودرة – زبدة كوب حليب الطريقة ضيف الشوكولاتة في طبق وحطه على حلة فيها مياه ساخنة أو ممكن تسيحها في الميكروويف سيب الشوكولاتة تسيح تدريجيا من البخار وقلبها كل شوية – لما تسيح.. ضيف الحليب وهو ساخن والسكر مع التقليب المستمر وبعدين الزبدة
