حلت الفنانة نهى العمروسي ضيفة مع الإعلامية أميرة بدر ببرنامجها "Vip" المذاع على شاشة "هي"، وتحدثت عن العديد من الأسرار الشخصية لأول مرة كما وجهت رسالة شديدة اللهجة للفنان يوسف الشريف بسبب رفضه التلامس في الفن. رسالة نهى العمروسي للفنان يوسف الشريف فتحدثت نهى العمروسي خلال لقائلها عن رأيها في رفض الفنان يوسف الشريف التلامس خلال العمل فقالت :"بشوف الناس دي مش محترفين، ميفنعش أدخل على ابويا وانا راجعة من السفر مايحضنيش اللي بيمثل دوري ابويا، وماينفعش اكون قاعدة في البيت بالطرحة، المحجبين مبيقعدوش في البيت كده، ومينفعش واحده بتعمل دور اختي في مشهد محضنهاش مينفعش احنا بنمثل". وأضافت نهى العمروسي :"يوسف الشريف بيرفض التلامس، هو حر وانا لازم احترمه بس انا حره أني اقول لا أنه مش محترف وده مش فن، مينفعش انت تحطلي شروط وأنت شايف ان ده حرام متلعبهاش خالص لكن انت راضي انك تشتغل الشغلانه دي تشتغلها بمصداقيه أو تشوف شغلانه تانية".
التدين في حياة نهى العمروسي وفي الحلقة ذاتها تحدثت نهى العمروسي عن التدين فقالت :"بدأت أصلي متأخر عشان بعد ما دورت على ربنا ولقيته جوانا، ولما لقيته أقرب حاجة لينا وأحنا مش متخيليين، وهو الحب ومننا وجايين من عنده ورايحين عنده". وواصلت نهى العمروسي :"أنا جاتلي فترة وشكيت في كل الأديان، ووصلت في النهاية أن ربنا حب وجمال وخير وعدل وكل حاجة حلوة، وشفته وحسيت بيه في كل الأديان، كل دين رايح لربنا واتجاهه رايح لربنا، والهندوسية مفيهاش نبي وملهاش كتاب".
وتطرقت الفنانة للحديث على موقف جمعها بفاتن حمامة فقالت :"أنا لبسي كان شيك شوية عن الدور اللي بعمله كنت بعمل مدرسة العاب وهي كانت عايزه لبس ابسط وده في مسلسل ابلة حكمة، وهي محترمة جدا ورايقة وواخده بالها من كل حاجة، والمفروض ان في ناس تبقى واخده بالها من الحاجات دي مش فاتن حمامة أنما هي واخده بالها من كل كبيرة وصغيرة".
