وجه مطرب المهرجانات حسن شاكوش، الشكر لكل من حضر حفل زفافه. كما وجه الشكر إلى وفاء عامر، خلال فيديو نشره عبر حسابه الشخصي بموقع تبادل الصور والفيديوهات "انستجرام"، ش لحضورها حفل الزفاف رغم إصابتها قائلًا: دراعها كان مكسور وجت لي وبقول لها سلامة رجلك. أضاف حسن، "إحنا في مركب واحدة واللي ما تحتاجش قفاه دلوقتي هتحتاج وشه بعدين، واللي مجاش حطيته في القايمة السودة، وأنا ماكنش ناقص لي حد وكفاية أن ماجد المصري ييجي ويقف على المسرح ومصر كلها تشوفه وهو من أنضف الشخصيات اللي عرفتها في حياتي". هجوم رضوى الشربيني على عروسة حسن شاكوش: وفي السياق ذاته، علقت الإعلامية رضوى الشربيني، على واقعة سجود عروسة مطرب المهرجانات حسن شاكوش خلال حفل زفافهما، حيث قالت: "دي واحدة بتعبر عن فرحتها صحيح هي حركة أوفر لكن كل واحد بيعبر عن فرحته بالطريقة اللي تعجبه". أضافت رضوى، خلال تقديمها برنامج "هي وبس"، المذاع عبر فضائية "سي بي سي سفرة"، "مشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا. لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي". وهاجم الجمهور مطرب المهرجانات حسن شاكوش وعروسته ريم، بسبب حفل زفافهما المقام حاليا بأحد الفنادق الكبرى. وجاء هجوم الجمهور بسبب فستان العروسة المكشوف من ناحية الصدر وسجودها لله على الأرض خلال الفرح وهي بالفستان العاري. View this post on Instagram A post shared by Hassan Shakosh (@hassan.shakosh)
