علقت الإعلامية رضوى الشربيني، على واقعة سجود عروسة مطرب المهرجانات حسن شاكوش خلال حفل زفافهما، حيث قالت: "دي واحدة بتعبر عن فرحتها صحيح هي حركة أوفر لكن كل واحد بيعبر عن فرحته بالطريقة اللي تعجبه". أضافت رضوى، خلال تقديمها برنامج "هي وبس"، المذاع عبر فضائية "سي بي سي سفرة"، "مشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا. لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي". وفي السياق ذاته، هاجم الجمهور مطرب المهرجانات حسن شاكوش وعروسته ريم، بسبب حفل زفافهما الذي أقيم أمس بأحد الفنادق الكبرى. وجاء هجوم الجمهور بسبب فستان العروسة المكشوف من ناحية الصدر وسجودها لله على الأرض خلال الفرح وهي بالفستان العاري. أزمة حسن شاكوش ومحمد حماقي: على جانب آخر، اعتذر مطرب المهرجانات حسن شاكوش للملحن مدين، والفنان محمد حماقي بسبب اتهامه لهما بسرقة أغنية "حاجة مستخبية"، من لحن أغنية تركي. كتب شاكوش، عبر حسابه الشخصي بموقع "فيس بوك"، "انا طالع عشان اعتذر واتاسف لاخويا وصديقي الملحن العبقري مدين .. انا كنت فاهم غلط واتضحلي الحقيقة ان لحن اغنية حاجة مستخبية اللي من ابداعه فعلا مش زي منا كنت معتقد". أضاف، "عشان كدة كان لازم اطلع وادي الحقوق لاصحابها واعتذر عن اللي صدر مني .. شكرا ليكم واتمني محدش يزعل مني سواء الاستاذ محمد عاطف الشاعر الكبير او الموزع الكبير احمد ابراهيم او الفنان الكبير محمد حماقي".
