وجهت الإعلامية ياسمين عز، رسالة إلى نساء مصر قبل بداية كأس العالم المقرر لها أن تبدأ غدًا في قطر.
وقالت "ياسمين عز" خلال تقديم برنامجها "كلام الناس" المذاع على فضائية "إم بي سي مصر" مساء اليوم السبت: "كل بنت مؤهلة نفسها عندها ضرة هتشاركها في جوزها أو خطيبها".
وأضافت "الست الواعية هي اللي تعرف تتعامل مع ضرتها وتخرج بأقل الخساير. لو مشفتيش مامتك بقالك أربع سنين هيكون عندك لفة كبيرة لها نفس اللفة دي اللي عند جوزك بشأن كأس العالم".
وتابعت "متقلقيش من شغفه لأنه وقتها هتسمعي رد مش يعجبك. حالة النظافة اللي بتجيلك ملهاش لازمة وقت الماتشات وهتعمل خناقات ملهاش أي لازمة".
واستطردت "مع بداية المباريات جوزك يلاقي لفشار والحاجة السعقة والريموت وأثر اللي بتعمليه هيأثر عليكي. انك تنزلي تجيبي طلبات البيت ويسيبلك جوزك الفايزا كارت بيعرفك قيمة جوزك وبيعمل علشانكو قد ايه".
وأردفت "بلاش الأسئلة اللي تجيب تصلب في الشرايين زي اعملك ايه على الغدا النهاردة. سيبيه مركز وبلاش تخريجه من المود وأنتي عارفة هو بيحب يأكل ايه وميأكلش ايه وأهم حاجة أنك تنوعي".
واستكملت حديثها "لو ملكيش في الكرة حاولي تشاركيه اهتماماته وشجعيه من غير مبالغة ولا أفورة ومن لابس ايه. شوفي بيعمل ايه واعملي زيه".
وأكملت "كفاية أنه حزين وقلبه وجعه أن منتخب مصر مش في كأس العالم. ومتبقيش انتي والزمن ومنتخب السنغال عليه والخمس دقايق اللي في آخر المباراة خليكي ناصحة لو طلبتي عينه هديهالك".