وجهت الإعلامية ياسمين عز نصيحة إلى السيدات، بعد انتشار وزيادة أعداد الطلاق في مصر خلال الفترة الحالية. وقالت ياسمين عز خلال برنامجها «كلام الناس» عبر قناة أم بي سي مصر: «المشكلة أن نسبة كبير من الجيل هيبقوا أبناء طلاق وأغلبهم شافوا الخلافات وقرف بين باباه ومامته»، مضيفة: «صاحبتك اللي بتفضل تقولك اشتميه واخلعيه وأن زيك زيه وراسك براسه هل بتيجي الحرباية دي تقف معاكي وتقف مع عيالك لما يحتاجوا والله ما هتعبرك وهتلف على واحدة غير سعيدة في حياتها». وأضافت: «هتتطلقي وكله هيتخلى عنك واخواتك مش هيقفوا معاكي واختك هتاخدك عبرة وصاحبتك اللي سخنتك على جوزك هتخاف منك على جوزها». واستطرت: «الست بتضلم وتعتم بعد الطلاق ومش بتنور ولا حاجة والنور اللي بجد لما تعيشي حياة طبيبعة بينك وبين جوزك ولا فيلر ولا بوتوكس هيخليكي تنوري لان الراجل هو اللي بينور ويطفي اسالي جوزك ايه مضايقك وامتى تبقى صاحبته وحبيبته». وقالت: «احمدي ربنا على جوزك وبلاش تبصي لزميلك في الشغل ولا قريب صاحبتك وتقرني بينهم، الراجل بيحارب طول اليوم بلاش تنكدي عليه وأول ما تشوفيه قوليله ربنا يديمك نعمة في حياتي.» ونصحت السيدات بعدم انتقاد ازواجهم وقالت: «اوعي تنتقدي جوزك قدام أي حد ولا تقولي مميزاته وتسمحي لجارتك أو أي حد في الدنيا انه ينتقد جوزك جوزك قدام الناس مفيهوش عيوب وكامل وروحي لجوزك وقوليله حبيبي لو عيوبك لو الكل عبهالك انا ابوسهالك واللي متغاظ مننا يعمل زينا». واستكملت: «اللي كانت بتسخنك دي هتبعد عنك وانتي قاعدة فاضيه هي بتكلم جوزها والمولد هيتفض وكل واحده هتروح لحضن جوزها وانتي تفضلي تعيطي وتتحسري على حياتك وولادك». وتابعت: «عايزينك تكوني أذكى البنات واسمعي كلام العقل والأصول ومتسمعيش كلام مخرب اللي فشل في حياته عايزك تبقي زيه متسمعيش كلامه وقوليله انا بحب جوزي ووعيالي وخليكي ناصحة وواعية ومتبقيش ودانية وكل راجل ليه واي خناقه مهما كانت بتنتهي بعد نص ساعه كلمة حلوة وكيك». واستكملت: «والراجل مفيهوش عيوب واحنا اللي بنقفله على والواحدة احنا مش في حرب ولو في حرب اخسريها واكسبي جوزك». وأضافت الإعلامية ياسمين عز: «فيه ستات كتير نسيت إن الزواج ميثاق غليظ٫ والموضوع مش سهل ولازم نراجع نفسنا في كلمة طلقني ألف مرة». واستطردت ياسمين عز قائلة: «بقينا نسمع إن فيه اللى اطلقوا بسبب شويه ملح زيادة في الأكل٫ ولا خناقه على اسم المولود»، منوهه: «خليكي ناصحة وواعية وعندك شخصية».
