علق الفنان أحمد فلوكس، على صورة تم عرضها لمحمد رمضان، أثناء لقاءها مع الإعلامي عمرو الليثي، وقال لا يوجد عداوة بيني وبين محمد رمضان، وقال: هما اللي عملوا كده، ومعنديش حاجة بيني وبينه، بالعكس لما قابل والدي في عزاء الفنان الراحل محمود ياسين وقبل جبينه، ودي حاجة أنا شلتهاله، وشيء أسعدني. وتابع فلوكس، خلال لقاءه في برنامج "واحد من الناس" الذي يذاع على قناة الحياة، قائلًا: "أصل الموضوع كانوا بيسألونى عن فيلم احنا الطلبة، قالوا ليا انت كنت نجم عليه، وأنا لم اقل ذلك أبدًا، وليس طبعي". وأضاف فلوكس عن إمكانية التمثيل مع محمد رمضان: "معتقدش إن أمثل معاه في فيلم أو مسلسل، مش علشان محمد، ولكن لو ممثلتش بمكانتي مش عاوز أمثل، أنا تعبت جدًا عشان أوصل اللي أنا في، وأعمل لنفسي اسم، لانى لازم آخد حقى ووضعى في دور متميز في العمل الفنى الذي اشارك به، ولو مخدتش حقى سأعمل في أشياء أخرى ثم أنتج افلام لغيري وأعمل لغيرى ما لم أستطع أن اقوم به لنفسي". واستكمل حديثه عن محمد رمضان: "مفيش حاجة اسمها نمبر وان، هو ممكن عشان مر بحاجات كثيرة لكي يصل، ولكن لا يوجد رقم واحد في كل شيء، في أعمل جيدة وأعمال سيئة، هو بس بيقول رقم واحدة عشان يوضح إن هو نجح وقوي ورغم ذلك اتحارب.
