قالت أميرة أحمد عبد الله، المعروفة إعلاميًا ب فتاة العياط، إنها في الصف الثاني الإعدادي، ومنتظمة في دراستها، لافتة إلى أنها تعمل في معرض مدارس بالفيوم أثناء الإجازات؛ لمساعدة والدها وأشقائها. وأضافت "عبد الله"، خلال حوارها مع الإعلامي وائل الإبراشي، ببرنامج "كل يوم"، المذاع على فضائية "on e"، أنها كانت عند جدتها لوالدها في القاهرة، وفي نفس الوقت اتصل بها شخص يدعى "وائل"، كان زميلها في العمل، وتقدم لخطبتها ولكن والدها رفض، وطلب منها أن تقابله، وبالفعل قابلته في القاهرة، متابعة: "أول ما شافني أخد تليفوني من شنطتي وقالي هديهولك لما تركبي العربية، قولتله ماشي، وركبنا الأتوبيس العام وفجأة أخد التليفون ونزل وقفل التليفون". واستكملت: "رنيت على الموبايل لقيته اتفتح ورد عليا الولد إللي مات وقالي أنا لقيت التليفون ده في الجيزة، وقالي تعالي قابليني في برمشت، وطلب يكلم السواق وكان وائل وقتها قاعد جنبه، قال للسواق نزلها في موقف برمشت، وفجأة السواق وقف يمول في البنزينة وقالي انزلي ده إللي معاه التليفون، نزلت وركبت معاه العربية بقوله هات التليفون قالي صحابي أخدوه وأنا هوديكي ليهم، وشوية وقالي أنا مش لاقيتهم، هركبك عربية توديكي الفيوم، ولقيته طلع الطريق الصحراوي ووقف وطلب مني حاجات مش كويسة، قعدت أصوت وهو طلعلي سكينة في الجبل وقالي يا إما كده يا إما هتموتي". وتابعت: "عملت نفسي موافقة وقولتله هديلك إللي إنت عايزه بس سيب السيكنة، ولما سابها خبطته بيها في رقبته"، لافتة إلى أنه لديه 22 عامًا، وأن بنيانه كان قويًا، معلقة: "كنت بطلب من ربنا ينجدني في الوقت ده".