شاركت الفنانة إيمي طلعت زكريا، جمهورها ومتابعيها صورة تجمعها بوالدها الفنان الراحل طلعت زكريا، وذلك عبر صفحتها الرسمية بموقع التواصل الاجتماعي انستجرام. وعلقت إيمي قائلة: "الصورة دي كنت خارجة من المستشفى كنت تعبانة شوية، بابا أخدني خرجني اليوم ده وقالي متخافيش أنا جمبك ومعاكي.. ومفيش في الدنيا حاجة هتمسك، واتعشينا سوا وحسيت وقتها أن فعلا مفيش حاجة تساوي وجود أبويا جمبي، خصوصا وقت الأزمة لأنه ضهري والحضن اللي بيطمني، ربنا يرحمك يا بابا، عمري ما انساك يا أحلى في عمري كله، مفيش بعدك حبيب لأنك كنت صحبي وكان نفسي تكون معايا وفرحان بخطواتي دلوقتي". وتابعت: "اللي عنده أب لسه عايش يروح يبوس ايده محدش عارف بكرة في ايه اعملوا اللي عليكم تجاه الأب والأم لأنهما أكبر نعمة.. لو فقدت منهم حد محدش هيحس بكلامي غير اللي جرب، ربنا يرحمهم ويصبرنا". يذكر أن آخر أعمال إيمي طلعت زكريا مسرحية "الزهر لما يلعب" مع نجم الكوميديا سمير غانم والفنانة شيرين.