أذاعت الإعلامية منى الشاذلي، حوارًا مسجلًا مع الشاعر الراحل عبد الرحمن الأبنودي، في برنامج «معكم»، على فضائية "cbc"، وذكر «الأبنودي» موقفا كوميديا، خلال اللقاء، قائلا: «أنا لما جيت القاهرة، نزلت في لوكاندة اسمها نيويورك، في شارع إبراهيم باشا عجبني الاسم، وكانت قريبة من المحطة، وقعدت 3 ليالي، وخلصت فلوسي، واتكسر عليا ليلتين». وتابع: «أنا قلت الشنطة اللي عندهم فيها بنطلونين، وتر بروف، كاروهات، لسه طالع جديد»، وهو ما تسبب في ضحك الإعلامية قائلة له: «وتر بروف أيه!، لو كنت احتفظت بيهم لحد دلوقتي كان زمانهم بقوا تراث».