علقت الناشطة السياسية نوارة نجم على حلقة اليوم من برنامج "الشعب يسأل والرئيس يجيب" والتى دعا فيها الشعب المصرى للتصرف بطريقة حضارية وعدم إلقاء المخلفات فى الشوارع بقولها " الراجل بيقولنا ما ترموش الزبالة في الشارع لان النضافة من الايمان.. يا صحابي وصحاباتي هنا ومحلك سر شوفوا لامؤاغزة حاجاتي انما ايه في السررر". وأضافت نوارة عبر حسابها الشخصي على موقع التواصل الالكتروني " تويتر " : خطبة مرسي الجاية عن غسيل السنان قبل النوم واول ما نصحى.. وحيضحك لنا ويقول: شوفوا سناني بيضا ازاي؟ عشان باغسلها دايما " كما اتهمت المجلس العسكرى بإلقاء المخلفات والقمامة ليلا فى الشوارع لتوريط الرئيس وإفشال خطة المائة يوم داعية إياه إلى النزول للشوارع ليلا للتأكد بنفسه " ايوه ما كلنا بنشوف عربيات الجيش وهي بترمي زبالة في الشارع.. عاملين زي ام جميل لما كانت بترمي زبالة قدام بيت النبي الله يخرب بيوتهم " . ودعت الكاتبة الصحفية المواطنين إلى إلقاء القمامة أمام دواوين المحافظات وأمام القصر الجمهورى " كل واحد يأخد الزبالة اللى بيدفع فلوسها ويرميها قدام المحافظة او قصر الرئاسة لو قريب منة يلا بقى خلينا بقى ايجابين مرة واحد " .