دينا العجمى : انا كلامى مش حرام حتى لو بتكلم فى ادق الخصوصيات ,البنات مكبوته وماصدقوا لقوا اللى يتكلم بالنيابه عنهم" . مجنونه انا صح ؟؟بس دى انا فى كتاباتى كونى .. يكن ، صراع هو وهى تحول معها الى تفاهم وتوافق وحياة هادئه ، كونى له انثى يكن لكى رجلا عنوان صفحه على الفيس بوك تجمع حوالى 163,426 متابع جيد جدًا لها ، من العنوان نتخيل أننا ادركنا ما تتحدث عنه ولكن فى حوارنا مع ادمن هذه الصفحه سنجد انها اكبر من مجرد تخيل معنى للاسم ، فهى صنعت فكرا نسائيا وذكوريا جديدًا قائم على الموازنه ... _ من الشخصية التى صنعت كل هذا ؟ اسمى دينا العجمى 25 سنه من المنصوره ، ليسانس أداب قسم اعلام وأعمل صحفيه. -كيف جاءت الفكرة وما سبب اختيار هذا الاسم تحديدًا ؟ بداية كنت امل جروب على الفيس بوك اسمه "عالم حواء "من حوالى 3 سنين وكان عبارة عن وصفات اكل وقصص ووصفات للبشره والشعر ومواضيع عن الحياه الزوجيه والخطوبه ووجدت تفاعل رهيب من البنات على الجروب على مواضيع المتزوجين والمخطوبين فجاءت من هنا فكرة انشاء شىء خاص بهذه المواضيع فقط وبالفعل اول ما فكرت وجدت هذا الاسم - سبحان الله – لم أفكر كثيرا ووجدته أكثر مسمى يعبر عن المضمون. -هل توقعتى ردود الأفعال هذه؟ مطلقًا كانت مفائجى كبيرة وشعرت ان "البنات مكبوته وماصدقوا لقوا اللى يتكلم بالنيابه عنهم" . هل قابلتى مواجهه مع أحد للصفحة ووصفها بالانحراف لان جزء كبير من كلامها عن العلاقات بين الازواج وما شابه وخصوصا انه فى مجتمعنا الشرقى يعتبر عيب وحرام الكلام فيه؟ كتيييييييييير اصلا كان عندى صفحه من قبل تحمل نفس الاسم لكن تمت سرقتها واتحذفت ،كانت الصفحه القديمه فى بدايتها تواجه هجوما رهيبا وسب وكلام غير لائق لكن بعد فتره ليست طويله من كانوا يسبوننى اقسم بالله كانوا يرسلوا لى رسائل اعتذار رغم انى لا اعرفهم ولم أراهم لكن بالرسائل يقولو : "اسف او اسفه كنت مختيله الصفحه مش كويسه وبعد فتره حسيت باهميتها" . -ماذا أوحى لكى للدخول فى هذه الفكرة خاصة وان اغلب البنات يفتقدوا جرأة حتى مناقشة مثل هذه المواضيع مع أقرب الاقربين؟ "اللى بيمر بالحاجه هو بس اللى بيحس بقيمتها " واكثر اعضاء صفحتى كانوا متجوزين ومخطوبين فكانت كل كلمه بتمسهم حتى لو كلام منفتح نوعا ما لكن أى كلمه بكتبها بتكون فى حدود الادب حتى لو كانت جريئه انا مؤمنه بشىء وهى اننا كمجتمع شرقى" لازم مندفنش راسنا فى الرمل ونقول عيب لازم نعرف ونتعلم عشان نتفادى مشاكلنا، انا كلامى مش حرام حتى لو بتكلم فى ادق الخصوصيات " ، الرسول صلى الله عليه وسلم كان بيتكلم مع المسلمين فى ادق تفاصيل حياتهم وكانوا بيستشيروه. -هل وجدتى فائده تعم على من حولك من خلال هذه الصفحه ؟ انا قابلتهم بعد ما عملت الصفحه بصراحه لم اكن اتخيل هذا الوضع ابدا لكن اتضح لى كثيرا بعد الصفحه والمنتدى اسفه فى اللفظ "احنا بتستهبل" بنكون عايزين نعرف الحاجه حتى وان كانت غير مناسبه لينا لكن بنعمل نفسنا لا نريد ان نعرف او لا يهمنا وهذا عرفته من المنتدى ليس من الصفحه يعنى اكون لسه كاتبه موضوع ولو جرئ واضع لينكه على الفيس اجد فى اقل من ربع ساعه عليه 3000 مشاهده دا يبقى ايه ؟؟ رغم ان باين من اسمه انه مثلا للمتزوجين او موضوع جرئ ،اه وجدا كمان ستجدى هذا فى كومنتات الناس على المواضيع سواء فى الصفحه او المنتدى بفرح اوى اوى عندما اجد رساله تأتى من بنت او بلد بيدعيلى ويقولى انى غيرت حياتهم للاحسن بجد قمه سعادتى. -طيب بالنسبة للمعلومات التى توضع بتكونى متأكدة منها اى عن تجربة شخصية أم مجرد سماع او من ع النت او من كتاب وخصوصا ان فى ناس اخرى بتضع مواضيع ؟ المنتدى الكل بيضع مواضيع لكن الصفحه انا فقط ، اى موضوع للمتجوزين او المخطوبين بيكون موضوعى هذا لو موضوع عن المعامله لكن لو موضوع طبى او شىء من هذا القبيل بيكون من مواقع طبيه اثق فيها. -بالمناسبة الصفحه كانت موجوده الاول واقبال الفيس عالى جدا لماذا انشأتى منتدى أيضًا؟ مواضيع المخطوبين والمتزوجين شجعونى انى اعمل منتدى تابع للصفحه حتى يكون مرجع لهم فى كل المواضيع بدل الفيس لو موضوع عدى عليه يوم ولا اتنين لا يستطيعوا ايجاده. -الصفحه الاول كان مكتوب بها للبنات فقط ثم اتحذفت ووجدنا أولاد بيدخلو ، ما سبب التغيير؟ اول ماعملت البيدج الاولى كنت بحسب انى اقدر اتحكم فى مين يدخل ومين لاء لهذا كتبت للبنات فقط وجدت بعد ماعملتها ان مينفعش تكون للبنات بس لانى لا اعرف ان اتحكم فيها لذلك حذفتها فى الصفحه الجديده. -بما ان فى ولاد بيروها كيف تقدمى موضوعك بشكل جرىء وفى نفس الوقت بطريقة محترمة جدا بنلاحظ اللى فقد جمعتى بين المادة الجريئة والاحترام الذى لا يخدش الحياء فكيف فعلتيها؟ انا بكتب مثلما اتكلم ،كل مواضيعى هكذا بمسك ورقه وقلم واتخيل ان أحد امامى وبتكلم معه واكتب بالعاميه وطبعا انا لو بتكلم مع احد لا اعرف اقول اى كلمه صراحه بس ممكن اهزر ساعه ماييجى كلمه جريئه او اقول اى حاجه معبره بطريقه سلسله وهزار ،مجنونه انا صح ؟؟بس دى انا فى كتاباتى. اولا صفحة "كن رجلا تكن بعين الانثى ملكا" من المسئول عن ادارتها وكيف استطعتى الوصول الى نفسية الرجل؟ ثانيا صفحة ارجوك افهمنى هل لها هدف زيادة عن صفحة كونى له انثى؟ او ما الداعى لانشائها؟ صفحه كن رجلا ملكى وبتاعتى ايضا وعملتها لانى وجدت كل البنات بتقولى "هو كله على البنات البنات لازم تكلمى الرجاله شويه وتقوليلهم يعملوا ايه" ،وارجوك افهمنى نفس الموضوع من كن رجلا لكن المتغيرهو الاسم فقط .
