مفيش شاب دلوقتي مش بيدور على فرصة عمل مناسبة ليه، ولو لقى الفرصة دي بيبقى محتاج يكون مؤهل ليها عشان ما تروحش منه، ولأن "كلمتنا من الشباب وللشباب" ويهمنا انكم تلاقوا الفرص المناسبة في شغلكم،هنقدم لكم بالتعاون مع خبيرة الموارد البشرية "رشا خليفة"، وصاحبة جروب "نصايح رشا" على الفيس بوك.. كل النصايح اللي انتم محتاجينها، وكمان "رشا" هترد على كل استفساراتكم وهتقول لكم على كل اللي انتم محتاجينه عشان تلاقوا فرص العمل المناسبة، ابعت انت بس واسأل عن اللي انت عايزه على.. [email protected] السلام عليكم فى البداية أشكرك على نصائح رشا وأحب أقول لكي إني استفدت منها ولكن عندي أسئلة وأرجو الرد عليها . السؤال الأول: أنا عملت " انترفيو" مع شركة تداول الأوراق المالية وكانت الشركة عاملة إعلان في أحد الجرائد وكانت طالبة شئون قانونية وإرسال ال CV عبر الإيميل وبعد ماعملت الأنترفيو والمقابلة. عدت بسلام قال لى الأستاذ الذى عمل معي الانترفيو لكي مقابلة ثانية Second interview وكلمينا بعد أسبوع اتكلمت وردت السكرتيرة وقلت لها ممكن أكلم الاستاذ (فلان) وهو الذي عمل معي الانترفيو قالت لي مينفعش يتكلم ثم قلت لها هل ميعاد الانترفيو الثاني اتحدد قالت السكرتيرة لم يتحدد وإن تحدد سأكلمك ثم قلت لها يعنى أنا اتقبلت ولا لأ قالت لما يبقي يتحدد هبقى اكلمك فماذا أفعل هل ابعت على نفس الإيميل الذى ارسلت ال CV عليه ولا لأ السؤال الثاني قرأت شغلانة في 10 أيام وحضرتك قولتي يجب أن نكون محددين عايزين نشتغل أية أنا ليسانس حقوق جامعة حلوان متخرجة 2007 فما المجال الذي أقدر ادي فيه مع العلم شركات كتيرة لاتطلب شئون قانونية فسعات اتصل بشركات تكون طلبة سكرتارية فهل أوافق أم أثبت على مجال المحاماه السؤال الثالث عندما أطلب الشركات للوظيفة ماهى الصيغة للسؤال عن طلب وظيفة ؟ - - - - - - - - فكرتيني بأيام الامتحانات ....بس عجبني أوي النظام في طرح الأسئلة . بالنسبة للسؤال الأول: دايماً بقول إن الواحد بعد ما يعمل المقابلة الشخصية يطلب من البني آدم الي قَابله الكارت بتاعه ... الكارت هيكون فيه إيميله وأرقام تليفوناته و أرقام الشركة وبالشكل ده هيكون سهل عليا إني اتواصل معاه بسهولة ... ( من غير ما اعدي علي السكرتيرة) دا غير حاجة مهمة كمان و هي إني لازم ابعتله خطاب شكر اشكره فيه عن المقابلة وكلمتين حلوين عن حسن المقابلة لو فيه أي حاجه نسيت أقولها في المقابلة زي خبرات أو شهادات أقولها في الخطاب ده، لو اللي عملت معاه المقابلة طلع " غِلس "و أدنيش كارت ... و أنا خارجه اخد ايميله من السكرتاريه بره . بالنسبة لحالتك أفتكر إن أفضل طريقة هي التواصل المباشر لإن السكرتيرة مش دايماً بتكون عارفه معلومات كفاية، لو مش معاكي رقمه الشخصي حاولي تبعتيله E-mail . السؤال الثاني : دي مشكلة كل الناس إنهم حاصرين نفسهم في أسم الكلية، يعني حقوق يبقي شئون قانونية ! الموضوع مش كده علي فكرة، شوفي إيه المواد اللي كنتي بتدرسيها هتلاقي إنها مرنه جداً، يعني ممكن تشتغلي مساعد إداري أو موارد بشرية أو شئون عاملين أو في الادارة القانونية أو العلاقات العامة أو ادارة المشروعات اوتقدمي استشارات قانونية عبر الانترنت او شئون ادارية ...الخ شوفتي كام شغلانة طلعتها من الموضوع :) و علي فكره السكرتارية مش وحشة ... أنا شخصيا ابتديت حياتي سكرتيرة ومن السكرتارية اتعلمت حاجات كتير و اتدرجت لحد ما وصلت مديرة ...لكن ... لو هتشتغلي سكرتيرة علشان شغلانة و السلام بدون هدف واضح.... أرفض و ارفض بشده ... لازم يكون عندك رؤية و رسالة لنفسك ... يعني هشتغل أي شغلانه و ان كانت بسيطة علشان هتوصلني للي أنا عايزه :) السؤال الثالث ... مفهمتوش ؟ يعني ايه صيغة للسؤال عن طلب وظيفة؟