شن الإعلامي محمد موسى هجوما حاد على المقاول الهارب محمد على بسبب الفيديو المسرب الذى كشف عمالة الخائن وبيعه لوطنه من خلاله الاتفاق مع أحد الأشخاص على دفع 100 ألف يورو مقابل تصوير فيلم لزعزعة الاستقرار في البلاد ونشر الفوضى داخل مصر. وأضاف موسى خلال برنامجه "خط أحمر" المذاع عبر فضائية الحدث اليوم، "بجد أنا مش فاهم ومش متخيل للدرجة دي بقت خيانة الوطن سهلة كدة وتجارة مربحة في زمن حروب الشائعات ؟... للدرجة دي بقت الدعارة السياسية سلعة غالية في زمن التوظيف السياسى للأكاذيب بهدف هدم الأوطان بالفوضى والمظاهرات؟ للأسف أيوه عشان الفيديو بيظهر وبيأكد كدة. وتابع، هذه الفضيحة الكبرى كشفت تفاصيل العلاقة التي تربط المقاول الأجير الهارب محمد على، بتنظيم الحمدين في قطر.. الفضيحة المرة دي وثقها هذا الفيديو الذي ظهر فيه الأجير الهارب متحدثًا مع شخص أخر، متباهيًا بعلاقته بقطر، وحصوله على أموال منهم، وزاد على ذلك بأن قال لمحدثه الأخر "هما بيعشقونى". واستطرد، سبحان الله ربنا بيكشف سترهم كل يوم بفضيحة جديدة.. لكن أنا بقول لهم نحن لكم بالمرصاد وإن شاء الله هتتحاسبوا ياخونة علي كل جرم إرتكبتوه في حق البلد دي". أذاعت فضائية "إكسترا نيوز"، تسريبًا يفضح المقاول الهارب محمد علي ويكشف رغبته في جني الأموال من قطر، نقلًا عن موقع العربي الحديث. وقال محمد علي خلال الفيديو: "النجاح هييجي منين؟، قولتلك أول حاجة خدها كده قطر وطن عربي وبيحبني، والمغرب بيحبوني والجزائر بيحبوني، بس أغناهم قطر هايشتروا الفيلم بتاعنا، معاك برومو هيشتروه عشان هما بيكروهوا السيسي وأنا معاهم، وهما بيحبوني". واستكمل: "هيدونا الفلوس إللي إحنا صرفناها وأكتر، بس خلاص جيبنا تكاليفنا ونبدأ بقى نبيع نتفليكس وفتحي فيلكس وشريف فيلكس، ونجيب الصحف الأمريكية ده مكسب زيادة، بس إحنا التارجت عشان قطر معاها فلوس، وهما بيعشقوني عشق، لما نعملهم فيلم حبتين أكشن وبتاع هيروح الأجانب لما قطر تشتري هيشتروا، تكون كده جيبت دنيتك وفلوسك وادي الراجل فلوسه ببرومو، هناخد الفلوس هفكر معاك في الفيلم وهروق". وأضاف: "تعالى بقى نلعب في الفيلم، المكالمة دي إللي بيني وبينك، التانية الناس تبعتلي فلوس همضي معاك، كده إنت أونس، مفيش مكالمات تاني، تبعت أجي أصور ونتكلم في الفيلم دهاليز الفيلم، ال100 ألف يورو يبقى أنا كده خلاص، أنا لازم بيزنس".
