ساند المخرج عمرو سلامة، صديقه الإعلامى أكرم حسنى، المعروف إعلاميا بشخصية "أبو حفيظة"، فى أزمته مع التلفزيون المصرى، بعد حقلته الأخيرة التى سخر فيها من المواقف الكوميدية والخاطئة التى يقع فيها التلفزيون المصرى. وكتب "سلامة"، عبر حسابه الخاص بموقع التواصل الاجتماعى "فيسبوك": " اكرم حسني وطاقم عمل ابو حفيظة قالوا اللي كلنا عارفينه وبنقوله كلنا عن تليفزيون الدولة.".
وأضاف: " استعجب من ناس سابت المرض وهاجمت اللي شخصه، مش رجالة في مواجهة المشكلة بس رجالة قوي على اللي شاور عليها، مش بينضفوا الزبالة اللي بتشوه سمعة مصر بس بيصلبوا اللي صورها علشان يوريهالنا علشان نشيلها.".
وتابع: " حتى البرامج الكوميدية اللي مش بتتناول السياسة بشكل مباشر وبس بتنتقد بعض من الحال المايل بيتسابق المؤيدين والموائمين للعنها.".
وواصل "سلامة"، حديثه قائلا: " خلاص؟ عايزنا نشوف المجاري ونقول عليها جناين؟ نشوف الفضايح فنتكلم عن الإنجازات الملفقة؟ نشوف الجوع فنغني "قول هاتدي ايه لمصر؟" يا اما نسجد ونركع يا مش عاجب؟".
وختم حديثه: " متفهم أنكم مش قادرين الا على البردعة، وكل ما تلاقوا بردعة مالهاش ظهر بتعملوا حفلة علشان تعرفوا تعلوا صوتكم.".