دافع المخرج عمرو سلامة عن الإعلامي اكرم حسني الشهير بأبو حفيظة، وأعلن رفضه الهجوم الذي تعرض له بعد سخريته من التليفزيون المصرى. وكتب "سلامة" خلال حسابه على موقع الفيسبوك: "كرم حسني وطاقم عمل ابو حفيظة قالوا اللي كلنا عارفينه وبنقوله كلنا عن تليفزيون الدولة.. استعجب من ناس سابت المرض وهاجمت اللي شخصه، مش رجالة في مواجهة المشكلة بس رجالة قوي على اللي شاور عليها، مش بينضفوا الزبالة اللي بتشوه سمعة مصر بس بيصلبوا اللي صورها علشان يوريهالنا علشان نشيلها.. حتى البرامج الكوميدية اللي مش بتتناول السياسة بشكل مباشر وبس بتنتقد بعض من الحال المايل". وأضاف: "خلاص؟ عايزنا نشوف المجاري ونقول عليها جناين؟ نشوف الفضايح فنتكلم عن الإنجازات الملفقة؟ نشوف الجوع فنغني "قول هاتدي ايه لمصر؟" يا اما نسجد ونركع يا مش عاجب؟ متفهم أنكم مش قادرين الا على البردعة، وكل ما تلاقوا بردعة مالهاش ظهر بتعملوا حفلة علشان تعرفوا تعلوا صوتكم لكن القليل من الخجل لا يضر... أبدا".