شهدت حلقة اليوم من برنامج "معكم" بكاء الفنان سامح حسين لدى تذكره لحظة وفاة والدته. وأكد "سامح" خلال لقائه مع الإعلامية منى الشاذلى على قناة cbc قائلا: "أول حادثة حصلت لى كان وأنا فى الصف الثانى الإبتدائى أعز أصدقائى توفى، وبعدين توفى جدى، ووالدى، وبعدها والدتى، واللى تأثرت بوفاتها بشده وخصوصا أنها كانت كل حياتى، ومرضت فى الفترة الآخيرة حوالى 7 شهور مابين المستشفيات، لغايت الدكتور قالنا إن ده آخر إسبوع لها، ولكن توفت بعدها بيومين، وكنت حاسس إنى فى حلم". وتابع قائلا: "وأخويا الصغير توفى وكان عنده عشرون سنة، ومن الوقت ده شعرت إن فى عقد بينى وبين الموت". وإستكمل حديثه قائلا: "دايما بخاف من النوم بليل، ودلوقت بنام الصبح، يعنى بتخيل إنى هموت، ودى عقدة عندى من زمان، والمشكلة إن كل ما حب حد بجيب لنفسى وجع قلب، ولو كنت وحيد حياتى كانت هتبقى أحسن".