هاجمت الإعلامية ريهام سعيد، إحدى منتقداتها "د. سامية"، موظفة بجمعية الأورمان. وقالت ريهام خلال خلال تقديم برنامجها "صبابا الخير"، على فضائية "النهار"، إن المنتقدة قالت على صفحتها الشخصية عبر "فيسبوك": "ريهام سعيد مقطعة نفسها وبتناشد أهل الخير عشان تنقذ أطفال وتعملهم عمليات في تركيا.. عشان دموعك غالية علينا قوي الحمد لله في جهة عاوزة تتكفل بالعمليات، في أحسن مستشفيات وأحسن دكاترة، هل ممكن ألاقي حد ليه دلال علي الإعلامية ويقولها توفر دموعها وتجيب الأطفال عشان نحدد مواعيد العمليات؟ لو وافقت هتكسب دعوات كتير أوي مننا، لو رفضت أتمني تعلن سبب الرفض". وردت ريهام قائلة: "هي دي اللغة اللي اتعلمتيها في البيت عشان تعملي خير، وأنتي مالك لو كنت أنا مقطعة نفسي عياط، أنتي بتابعي برنامجي ليه!؟". وتابعت: "أنا لما بكيت، بكيت على طفل كان مفروض يسافر، أنتي ما عندكيش دم، لدرجة إنك مش حاسة إني ممكن أعيط وأقطع نفسي عياط، بعد ما وعدت أهله إني ممكن أسفره يتعالج، بس مالحقتش".