استطاعت إحدى السيدات استفزاز الإعلامية ريهام سعيد بنشرها تدوينة عبر صفحتها على موقع التواصل الاجتماعي "الفيس بوك" ، حيث قامت الأخيرة بسبها على الهواء مباشرة قائلة لها: "أنتِ معندكيش دم". وقرأت ريهام سعيد الرسالة الهجومية الموجهة لها عبر "الفيس بوك" والتي كتبت فيها :" الفنانة الإعلامية الكبيرة القديرة، ريهام سعيد مقطعة نفسها وبتستغيث وبتناشد كل أهل الخير عشان تنقذ أطفال وتعملهم عمليات قلب في تركيا.. وعشان دموعك غالية علينا قوي الحمد لله في جهة عاوزة تتكفل بكل حاجة العمليات هتتعمل في أحسن مستشفيات مع أحسن دكاترة، هل ممكن ألاقي حد ليه دلال على النجمة ويقولها توفر دموعها وتجيب الأطفال عشان نحدد مواعيد العمليات؟". وعلقت "سعيد" قائلة:" أنا مقطعة نفسي ودموعي، أنت مالك ، أنا لما بكيت بكيت عشان احنا فقدنا طفل اللي كان المفروض يسافر، إذا كنتِ أنت معندكيش دم إلى درجة إن أنتِ مش حاسة إن أنا قعدت مع الولد ده ووعدة إنه يسافر.. وملحقتش أسفره، أنت شايفة إن الولد ده ميستحقش إني أقطع نفسي، يعني أنا مش عارفة أنا قطعت نفسي فين ولا خدت كلينكس من بيتكوا عشان أمسح دموعي بيه ولا إيه". وأضافت:" أنتي مش قادرة تساعدي اللي عايزة 30 الف يورور اللي على صفحتك وبتقولي عندك مستشفيات مصر بتعملها اقل بكتير دي حالات مرفوضة تتعمل في مصر دول محتاجيين صمام بشري ولايوجد اي عناية مركزة تستطيع عمل مثل هذه الحالات ولا حتى في أسوان".