السلام عليكم يا أصدقاء فضفضة , ياريت تشاركوني الحل في مشكلتي اللي هية الآتي .. انا خطبت من 7 شهور وفي الفترة دي كنت انا وخطيبتي وأهلها مشغولين في شراء العفش والذي منه جينا بعد ما خلصنا كل حاجة والشقة إتفرشت بالفعل وخلاص بنحدد ميعاد الفرح اختلفنا على سعر الشبكة , في البداية انا كان في نيتي اشتري شبكة في حدود التلاتين الف وبلغت ده لخطيبتي وفرحت جدا فقلت بس يا واد انت طلعت جامد والبنية انبسطت وبصراحة برضه بيني بين نفسي قلت في الأول لو اتبقى معايا بعد شراء فرش البيت شوية فلوس هزود الشبكة فحطيت رقم خمسين الف واظن كدة عداني العيب خصوصا في الظروف المنيلة اللي كل الناس بتمر بيها , طبعا اللي اكتشفته ان خطيبتي بلغت اهلها اول مرة بقيمة الشبكة التلاتين الف وعرفت في الخباثة منها انهم فرحوا لكن لقيتها اليومين دول بتبلغني بان اهلها مش عاجبهم الرقم ده وعايزين يزودوه وللعلم انا مقلتش لخطيبتي النية التانية بتاعة الخمسين الف وطبعا لما عرفت ده منها بقيت في حيرة بين حاجتين .. الأولى ان خطيبتي واهلها ناس طمعين وبين اني افشكل الخطوبة أو اني اقول لهم اللي كان في نيتي التانية بتاعة الخمسين الف واشتري راحتي وحبي لخطيبتي ؟ انتوا رأيكم ايه ؟ السبع