أنا عندي 19سنة في سنة تالتة دلوقتي في الجامعة .. مشكلتي إني أعجبت ببنت لما كنت في سنة تانية، وهي برضه أعجبت بيّ؛ يعني كنا بنقعد نبص لبعض كتير وكده، وهي كانت بتحاول تتقرب مني كتير، وتديني فرص علشان أكلمها؛ لكن أنا ماكنتش باكلمها ليه ماعرفش!! قعدت مع نفسي وفكرت.. لقيت إنه مش هينفع ارتبط ببنت في سني؛ لأني يوم ما هاتجوز إن شاء الله هتكون أصغر مني بأربع سنين أقل حاجة، وقلت إن زميلتي دي مش هتنفع معايا.. مع إني حاببها جدا؛ أولا لأدبها، ثانيا لاحترامها، ثالثا لمستواها العلمي؛ لأنها معايا في نفس الكلية .. فهل أنا دلوقتي ظلمتها ولا لأ؟ مع إنها لحد دلوقتي بتبص لي كتير، زي ما تقول كده بتقول لي تعالى كلمني نشوف وجهات نظر بعض .. وبعدين أنا باشوف كل زمايلي بيكلموا بنات سواء كانوا بيحبوهم أو لأ، وأنا زي ما تقول single؛ لأني ناوي اللي ارتبط بيها إن شاء الله هتكون زوجتي بإذن الله. أنا حاسس بفراغ عاطفي، وعايز بنت تملى حياتي، وأفضفض لها، وأحكي ليها، تشاركني في كل حاجة؛ مع العلم إن أنا ليّ أصحاب كتير أوي .. أنا عمري ما أتعاملت مع بنات إطلاقا؛ أنا باحاول أحيطك بكل المعلومات عني؛ علشان تقدر تفيدني في أول مشاركة ليّ معاكوا، ويا رب تفيدوني.. وشكرا. m.n فضفضة لا أرى في كلامك أي منطق , باختصار .. إما انك تصارح الفتاة بمشاعرك وتعيش حياة طبيعية جدا مع فتاة انت تقول انك تحبها .. أو تتركها تماما إن وجدت صعوبة في تغيير مافي رأسك من أفكار هي في الأساس غير صحيحة , ونصيحة لك .. سن الإنسان ليس له أي علاقة بالحب أو الزواج , يوجد أشياء كثيرة تحكم نجاح العلاقة وأهمها الحب والتفاهم والرحمة والتقدير . تمنياتي لك بحياة هادئة لكن تخلص أولا من أفكارك الغريبة . نيفين حجازي