أسس نشطاء موقع التواصل الاجتماعى "تويتر" "هاشتاج #مبارك" اعتراضا على الحكم الصادر اليوم ضد الرئيس الأسبق حسنى مبارك فى قضيه القصور الرئاسية، والتى حكم عليه فيها بالسجن المشدد ثلاث سنوات، وعلى نجليه بأربع سنوات. ووجد النشطاء من الثوار أن هذا الحكم غير عادل، ففى الوقت الذى حكم فيه على الناشطه الحقوقية ماهينور المصري بالسجن سنتين حكم على مبارك فى قضية فساد بثلاث سنوات، وهى مدة قصيرة جدا "من وجهه نظرهم"، حيث كتبت سارة : عمري ماحسيت بالعجز زى انهاردة، حسبى الله ونعم الوكيل، وغرد خالد أحمد: ده لو كان اتمسك فى مظاهرة كان زمانه لبس عدد سنين اكتر من كدا". واستنكر على طاهر الحكم قائلا : لو مشيت ف مظاهرة تتسجن 5 سنين بس تنهب بلد، وشعب بأكمله تاخد 3 سنين !!، وقال ادهم :"سرق 125 مليون جنيه من دم الشعب خد 3 سنين". والشاب يقعد 5 سنين فى الكليه عشان ياخد شهادة البكالوريوس أو الليسانس وبعدها يطلع يشحت عشان مش لاقى شغل. فيما تسائل يوسف جمال : ولاد مبارك حالهم إيه لما عرفوا إن ابوهم أخد حكم علشان حرامى. أما عن تغريدات ابناء مبارك فكان غضبهم الشديد من الحكم هو المسيطر حيث كتب محمد على : أنت من حاربت الإخوان من داخل سجنك فلاتحزن ربنا معاك، ووجدت علياء أن: مبارك يدفع ثمن الانتخابات. فيما علق على الشريف: صدور الحكم على الرئيس مبارك ب 3 سنين هو إرضاء للنكسجية، ومازالت تضحية ابن مصر البار مستمرة من أجل مصر.