شهدت قرية كفر الجنينة التابعة لمركز نبروه بمحافظة الدقهلية حادثة مؤلمة ومفزعة حيث قام زوج بذبح زوجته إثر نشوب خلاف بينهما مما أدى إلى حالة من الحزن والبكاء سادت القرية حزنًا على الفقيدة مريم والتى تمتاز بالسلوك الطيب وحب الجميع لها. حيث انهارت والدة مريم ضحية الدقهلية وظلت تصرخ وتبكي وسط حالة من الحزن والبكاء قائلة ليه يا احمد تعمل في مريم كده ده انا كنت بعتبرك يا ابني زيها مفيش فرق ده انا كنت امك مش حماتك امك توفت وبقيت مكانها؛ ليه يا ابني بتعمل كده ليه حرام عليك دمرتنا ودمرت حياتنا مريم عملت لك ايه انت كل حاجة بالنسبة لها انت كنت كل حاجة لها مكنتش بترضى تزعلك ولا تقول لك حاجة كان نفسها تكمل حياتها معاك للنهاية وتفرحوا ببنتكم؛ خلصت عليها ودمرت حياتنا، حرمتني منها وضيعت نفسك ويتمت بنتك يا رب الصبر". وقال الحاج محمد والدة الفقيدة مريم "إنه كان يعتبر زوج ابنته المتهم أحمد بمثابة ابنه وكان يحبه من حب ابنته له خاصة بعد ان انجبت منه طفلة عمرها 3 اعوام" اقرا ايضا: مكنش بيشرب سيجارة.. القصة الكاملة لذبح محامٍ ل زوجته في الدقهلية وأضاف الأب المكلوم" نفسى أساله قتلتها ليه دى انت كنت ابنى زيك زيها مش بفرقك عنها" ليه يا احمد مريم حبييتك تعمل فيها كده ، مريم الطيبة الحنينة قتلت حبيبتك ليه ايه القسوة دى جبتها منين ". وتابع" مريم مكنتش بترضى تاكل حاجة عندنا من غيرك راحعة من امتحانها فى الكلية ومستنية تاكلوا سوا" عملت ليك ايه قولى حرام عليك ، زهقت منها ولا مضايق فى حاجه رجعها لينا احنا أولى بيها". وكان عدد من أهالى قرية كفر الجنينة التابعة لمركز نبروه بمحافظة الدقهلية فد تمكنوا من ضبط شاب أثناء محاولته الهرب من أعلى أسطح المنازل المجاورة؛ لمنزله عقب قيامه بذبح زوجته في ساعه متأخرة من مساء أمس بسبب خلافات وتركها تنزف حتى الموت بمنزلهما. وكان مدير أمن الدقهلية قد تلقى إخطارا من مأمور مركز شرطة نبروه يفيد بورود بلاغ من عدد من أهالى قرية كفر الجنينة التابعة للمركز بقيام شاب حاصل على ليسانس حقوق بذبح زوجته وتمكن من القبض عليه خلال محاولته الهرب من أعلى أسطح المنازل المجاورة لمنزله. وتمكنت المباحث من ضبطه واعترف بأرتكابه الجريمه لخلافات بينهما.وحرر محضرا بالواقعه.
