أبكي على نفسي والا أبكى عالأيام بالحب كان نفسي تحقق الأحلام بس الزمن مرضيش والدنيا مسبتنيش والوحدة قتلتنى والحظ مسعدنيش خلانى أعيش مقهور أنا العصفور أنا العصفور بطير فى النور وعمرى فى يوم ماكان ليّا جناح مكسور جناحى طويل وشكلي جميل ولكن بختى فى الدنيا وحظى قليل بفرح لفترة محددة وبعدها راح اتحسر وأغرق فى نسمات الندى وبضيع فى ثانية وبنكسر بطير مهما أطير مرستش أنا على بيت بَحلَم بِحلم كبير فى الأصل هو بسيط طاير وأنا فرحان بالدنيا وبناسى باصص فى مكان وبشوف بإحساسى ملقتش غير ضلمة وسواد فى كل الأرض جبروت من الظَلَمة وحيتان بياكلوا ف بعض وأكيد عليا الدور أنا العصفور