بتقعد وحيدة ما بين الحيطان وعالمها بره مفيش حاجة منه يدوب هى نظرة فى شباك موارب بيفلت هوا من خلال شراعاته وصخب وكلام وواحد ينادى.. وواحد يهاتى و«أهلا».. «سلام» وعصفور بيهبط على حدود عالمها.. أنا أبقى هوه بمنقار صغير.. ونظرة لداخل مدار الصبية بتخلع حجابها قصاد المراية بتجدل ضفيرة طويلة امتدادها لما لا نهاية أزقزق شوية تغنى معايا وفجأة بتسمع صدى صوت غناها فبتخاف ليعلى بتجرى تقفل جميع شرعاتها فبفرد جناحى.. وأطير للهوا والندا والسلام