* أبويا طلق امي قبل ما يتجوزها واسمه ف وثيقة الطلاق كان جابر وف وثيقة الجواز صابر.. * أنا صدقت الكمبيوتر بس انا مش عارفني وباطالب المسئول عن الكمبيوتر انه يتوسط بينا كتبت- نور خالد: في فيديو ساخر نشره ناشط يلخص فيه مشكلته مع استخراج وثيقة القيد العائلي من السجل المدني ليفاجأ بأن البيانات المخزنة عنه على جهاز الكمبيوتر غير منطقية فهو من مواليد 1985، والبيانات تشير إلى أن والده طلق والدته قبل الزواج وأن اسم الأب في وثيقة الطلاق غير اسمه في وثيقة الزواج. وقال الناشط في التسجيل: “حضرتك أنا مواطن مصري ورحت عشان اعمل القيد العائلي عشان الإعفاء من الجيش، لأني وحيد فالمدام المزمازيل ف السجل المدني القمبيوطر بيقول ان انا ابويا طلق أمي قبل ما يتجوزها وهما خلفوني وسجلوني قبل ما يطلقها اللي هو قبل ما يتجوزها، انا مواليد 85، ابويا طلق امي ف 2004 واتجوزها ف 2005 والكمبيوتر بيقول انهم خلفوني ف 85 انا مش فاهم حاجة م الكمبيوتر والست الموظفة مش فاهمة الكمبيوتر، والكمبيوتر بتاع الحكومة بيقول ان ابويا اللي ف وثيقة الجواز غير ابويا اللي ف وثيقة الطلاق، ف وثيقة الطلاق كان اسمه جابر وف الجواز كان اسمه صابر“ وأضاف: “الكمبيوتر ما بيغلطشي حضرتك أنا صدقت الكمبيوتر بس هو بيقول إن أنا مش عارفني هما خلفوني قبل ما يطلقها اللي هو قبل مايتجوزها قبل ما يخلفوني ب20 سنة، انا باطالب السيد المسئول عن الكمبيوتر انه يتوسط بيني وبين الكمبيوتر ويقوله ان ابويا ابويا وامي امي. انا ابن امي وابن ابويا بس الكمبيوتر مش عارف كده. لمشاهدة الفيديو: http://www.facebook.com/video/video.php?v=167361113321855