علق مستخدمو موقعي " فيسبوك وتويتر" علي مؤتمر المجلس العسكري، الذي عقده اليوم عن مجزرة اعتصام وزارة الدفاع،بالسخرية مما ورد فيه من تصريحات.. وخص النشطاء تصريحات اللواء محمد العصار إن أيديهم نظيفة من الدم المصري وأن كل الصور والفيديوهات الخاصة " مفبركة " وأنهم سيتركون السلطة وهم مطمئنون، بتعليقاتهم الساخرة: خلاصة مؤتمر العسكري : أنا اللي حرمت نفسي من الغطا عشان تستغطوا ، و حرمت نفسي من العشا عشان تستعشوا خلاصة مؤتمر العسكري .. مفيش قناصة .. مفيش دم .. مفيش شهدا .. إحنا اللي أكلنا الجبنة أنا مش قصيّر قُزعة، أنا طويل و أهبل... فاصل ونواصل. - أيادينا لم ولن تلوث بدماء المصريين...طبعا ما أنت بتأجر اللي يقتل بالنيابة عنك يا مجلس كامب ديفيد العسكري - العصار بيقول لمين من الضباط و العساكر إن الشعب مش هينسى موقفه التاريخى ؟ أكيد العسكري اللي عمل علينا بيبى من فوق مجلس الشعب - قرب قرب و اتفرج .. احدث العروض من المجلس العسكري .. على وشها تنور .. على بطنها تنور .. " تصفيق " - اللواء العصار : مالكوش دعوة بالصور والفيديوهات أيدينا خالية من آي دماء ! بس حضرتك مقلتلناش نعتبر الصور والفيديوهات ايه فوتوشوب ولا تنكر ! - اللواء العصار : مهمتنا الأساسية حفظ الأمن والأمان فى البلاد وهل نجحتم بنسبة 10 % حتى في هذه المهمة ؟ ؟ ؟ - اللواء العصار: لسنا طلاب سلطه ·· الشعار ده بتاع الاخوان لو سمحت مفيش حقوق ملكيه للهجص في البلد دي ولا ايه ؟ - اللواء العصار بيقول انه مفيش عندهم نيه للتزوير هو ميعرفش ان التزوير مش عاوز نيه ده حتى ينفع من غير وضوء :) LOL ! - ولفتني في المؤتمر أيضا الثبات والهدوء والثقة التي قال بها اللواء العصار: نحن لا نؤمن المعتصمين عادةً. هم يؤمنون أنفسهم بأنفسهم. - اللواء العصار : أحداث العباسية تؤثر علي سمعة مصر واقتصادها وخسائر البورصة، الأربعاء، بلغت 4 مليارات جنيه" آه لكن طز في اللي ماتوا. - اللواء العصار: أيدي القوات المسلحة نظيفة من أي دم مصري ولم يحدث ان اسلنا دم مصري - الشهداء كان عندهم سيولة دم طبيعية !! احنا ايدينا نضيفة ومفيهاش دم مصري وسيبك من الصور والافلام .. الجيش المصري لم ولن يقتل أحد .. وهانسيب السلطة ونحن مطمئنون اننا لم نقتل مصري .. ولازم تبلغ التليفزيون الالماني بالكلام ده ... لنا الله بقى مافيش فى مصر خرطوش ولا قناصة ولا حمامات دم !!! فعلا احنا معندناش خرطوش احنا معندناش قناصة و معندناش دم كل الأسئلة عبارة عن: إيه لونك المُفضَّل؟ إيه أكلتك المُفضَّلة؟ صحفيين على ما تُفرَج. بيسألوا عن أي حاجة إلا أهم حاجة .. فين حق الشهداء اللي راحوا ! مؤتمر المجلس العسكري : ماما حلوة :) ممدوح شاهين جاب من الآخر: المجلس الأعلى هو الوحيد اللي يملك حق تعيين أو فصل رئيس الوزراء و أي وزير. المجلس العسكري عاطشفي ، عاطشفي ، عاطشفي !! مش معقول المشاعر والأحاسيس إلي بتخر منهم دي يا عم العصار: إبعتلنا حد نكلمه. (التوقيع: مواطن مسيحي مبيفرقش معاه ولا دين ولا هوية ولا حزب البني أدم اللي بيتقتل) خلاصة المؤتمر: أنا اللي حرمت نفسي من الغطا عشان تستغطو.. وأنا اللي حرمت نفسي من العشا عشان تستعشوا.. "ماما حلوة" أيادينا لم ولن تلوث بدماء المصريين...طبعا ما أنت بتأجر اللي يقتل بالنيابة عنك يا مجلس كامب ديفيد العسكري اللواء العصار: لسنا طلاب سلطه ·· الشعار ده بتاع الإخوان لو سمحت مفيش حقوق ملكيه للهجص في البلد دي ولا ايه ؟ لفتني في المؤتمر أيضا الثبات والهدوء والثقة التي قال بها اللواء العصار: نحن لا نؤمن المعتصمين عادةً. هم يؤمنون أنفسهم بأنفسهم أيدي القوات المسلحة نظيفة من أي دم مصري ولم يحدث ان اسلنا دم مصري.. أه أصل الشهداء كان عندهم سيولة دم طبيعية