سيف زاهر: كابتن سمير انت فعلا هاجمت اتحاد الكرة وقلت لازم يمشي؟ سمير زاهر: انا رمز للكورة المصرية ومينفعش اقول لحد يمشي لو اتغلب بكرة.. لكن هزيمة المنتخبات المصرية.. محتاجة وقفة من اتحاد الكورة سيف زاهر : يعني يعملوا ايه؟ سمير زاهر : يعملوا زي ماكنا بنعمل يااخي لما كنت ماسك اتحاد الكورة.. يدبحوا عجل. هذا كان ملخص الحوار الذي دار بين الكابتن سمير زاهر الذي يعد نفسه انجح من تولي رئاسة اتحاد الكرة مع ابن اخيه سيف زاهر عضو اتحاد الكرة الحالي في برنامج الأخير علي قناة الحياه وكان رد سمير حين سأله سيف عن الحل لأزمة اخفاق المنتخبات في المراحل العمرية المختلفة وخروجها المتتالي من التصفيات الإفريقية. اذا فعلينا ان ننتظر عجل آل زاهر لنضرب الاتحاد ببعضه لينبئنا بحل الأزمة.