شن الممثل تامر عبد المنعم، هجوما عنيفا ضد زياد العليمي، واصفا إياه بأنه 'خائن وعميل'. وقال تامر في تدوينة له عبر صفحته علي موقع التواصل الاجتماعي 'فيس بوك': 'الكائن الملظلظ اللي اسمه زياد العليمي بيهددني ويعايرني إن أبويا سكرتير مبارك وحمايا محامي مبارك، وأنا بأعلنها قصاد الجميع وبقوله إوعي يا تافه يااللي من الثدييات تتصور إن صوابعك زي بعضها'. وأضاف: 'أقسم بالله العظيم أجيب أمك من بيتكم وأعلقك يا خاين يا عميل يا حقير في ميدان التحرير بتاعك، والدكر يخلصك مني، اللهم بلغت اللهم فاشهد'. ومن جانبه، رد العليمي علي هجوم تامر عبد المنعم قائلا عبر تغريدة مطولة: 'يا زملا، شكرًا جدا علي اهتمامكم بموضوع قلة الأدب اللي حصلت إمبارح، ولو سمحتوا خلينا نركز في معاركنا الرئيسية، المشكلة أصلا كانت بسبب كلامي علي انتهاك حق دومة في العلاج، وحقي إنتم كلكم عارفين إني بأعرف أجيبه كويس وبطريقتنا مش بطريقة الشتيمة اللي ما يملكوش غيرها وليا كذا رجاء'. وأضاف العليمي: 'أولا لو سمحتم لو حد شتم الشخص ده بأمه يمسحها لأن دي مش طريقتنا، وأمه ست غلبانة ومقهورة علي موت ابنها التاني، ومالهاش ذنب في اللي بيعمله الشخص ده، وزي ما اتضايقت إن أمي جت سيرتها من شخص زي ده وحقها هعرف أجيبه كويس، ما نرضاش إننا نعمل ده في ست ما لهاش ذنب.