شن الممثل والمؤلف تامر عبد المنعم، هجوما عنيفا ضد زياد العليمي، البرلماني السابق والقيادي بحزب المصري الديمقراطي، واصفا إياه بأنه "خائن وعميل". وقال تامر في تدوينة له عبر صفحته على موقع التواصل الاجتماعي "فيس بوك": "الكائن الملظلظ اللي اسمه زياد العليمي بيهددني ويعايرني إن أبويا سكرتير مبارك وحمايا محامي مبارك، وأنا بأعلنها قصاد الجميع وبقوله إوعى يا تافه يااللي من الثدييات تتصور إن صوابعك زى بعضها". وأضاف: "أقسم بالله العظيم أجيب أمك من بيتكم وأعلقك يا خاين يا عميل يا حقير في ميدان التحرير بتاعك، والدكر يخلصك مني، اللهم بلغت اللهم فاشهد". ومن جانبه، رد العليمي على هجوم تامر عبد المنعم قائلا عبر تغريدة مطولة: "يا زملا، شكرًا جدا على اهتمامكم بموضوع قلة الأدب اللي حصلت إمبارح، ولو سمحتوا خلينا نركز في معاركنا الرئيسية، المشكلة أصلا كانت بسبب كلامي على انتهاك حق دومة في العلاج، وحقي إنتم كلكم عارفين إني بأعرف أجيبه كويس وبطريقتنا مش بطريقة الشتيمة اللي ما يملكوش غيرها وليا كذا رجاء". وأضاف العليمي: "أولا لو سمحتم لو حد شتم الشخص ده بأمه يمسحها لأن دى مش طريقتنا، وأمه ست غلبانة ومقهورة على موت ابنها التاني، ومالهاش ذنب في اللي بيعمله الشخص ده، وزى ما اتضايقت إن أمي جت سيرتها من شخص زى ده وحقها هعرف أجيبه كويس، ما نرضاش إننا نعمل ده في ست ما لهاش ذنب. ثانيا: أى حد اتريق على فكرة المشخصاتي لو سمحتوا يراجع نفسه، لأن المشخصاتي شغلانة محترمة بتنقل فكر وحضارة، وفيه ناس كتير بيشتغلوها وهما مايستاهلوش الشرف ده". وتابع: "ثالثا الكومبارس مش شتيمة والكومبارسات أشخاص محترمين ما جالهمش فرصة ياخدوا أدوار أكبر، وافتكروا إن كل الأبطال اللي بتحبوهم تقريبا بدأوا كومبارسات، وما ينفعش نشبه ناس شرفاء بناس إحنا شايفينهم مش كده ونعتبر إننا كده بنشتمهم. رابعا: أنا أصلا ف إجازة ومستجم ومش هشغل نفسي ولما أرجع إنتم عارفين إني ما اتعودتش حقي يبات بره، بس بنجيب حقنا بطريقتنا". وقال العليمي: "خامسا.. خلينا نركز في معاركنا الرئيسية وما ندخلش في خناقات جانبية وتافهة علشان مانفقدش بوصلتنا وعلشان ننتصر في النهاية، وندي كل حاجة وكل حد حجمه، وطالما قررنا يبقى لنا علاقة بالعمل العام يبقى لازم نقبل إن يا ما هنتشتم، والشتيمة لا بتقلل اللي اتشتم ولا بتزود اللي شتم بالعكس هى دليل ضعف لأن أى عيل صغير ماشي في الشارع يعرف يشتم ويهزأ أى شخص مهما كان احترامه، خلينا نركز في المحبوسين ظلم والمنتهكة حقوقهم وفي المستقبل اللي هنبنيه أيا كان الثمن، وعيب قوي ناس أسقطت أنظمة وبتحارب علشان تبني بلد نستحقها كلنا يتخانقوا على شتيمة وزى ما الصوفيين بيقولوا "المتلفت لا يصل". سادسا: اللي بيحصل ده معناه إن رجالة مبارك بيقاوموا، لكن ده مش هيغير حاجة لأنهم بقوا زى الديناصورات جزء من الماضي، وبيحاربوا للعودة ودة مش هيغير حقيقة إن المستقبل ليكم حتى لو كان صعب وبدا في لحظات عكس ده". واختتم العليمي رده على تامر عبد المنعم قائلا: سابعا: "كل سنة وإنتم طيبين وربنا يخلينا لبعض، وهننتصر طول ما كتفنا في كتف بعض، ويجعل أيامكم كلها عيد وآخر تعبكم نصر".
