الحاجة ليلى علي الرغم من قصر فترة توليه حكم مصرالا انه نجح في اعادة بث روح التفاؤل والامن بين المصريين.. ورغم اتخاذه قرارات واجراءات بعضها كانت صعبة خاصة قرارات مست حياة المواطن الفقير والبسيط في الشارع المصري الا انها زادت رصيده احتراما وحبا في قلوب المواطنين يزداد ساعة بعد ساعة، فهو رجل اقوال لا افعال، وعد فصدق، فخلال المائة يوم في قيادة البلاد نجح الرئيس السيسي في مواجهة اغلب المشكلات المزمنة التي تعاني منها البلاد اهمها اعادة الامن والاستقرار للبلاد والتصدي للارهاب، تنفيذ مشروعات ضخمة بمساهمة الشعب علي راض الواقع كمشروع قناة السويس الجديدة. هذا ما اكده المواطنين للأخبار. أكتر من مائة يوم! قالت الحاجة ليلي اسماعيل ربة منزل من محافظة بني سويف: «السيسي أنجز حاجات أكتر من مائة يوم،من مشروع قناة السويس والطرق والكباري الجديدة، البلد كانت «متلصمة» طول السنين اللي فاتت احنا عارفين انه بيصلح كل ده وبيحسنه». وقالت الحاجة ليلي انا لو قابلت الرئيس السيسي، هبوسه، وهقوله ربنا يخليك لمصر، وياريت مجلس الشعب يتأخر كم سنة علشان انت اللي تحكم مصر وتكون المسئول الوحيد والقرار قرارك». أمن واستقرار قال صلاح الحصري ميكانيكي سيارات حسينا معه بالامان والاستقرار وده اهم شيء بصراحه اتحقق علي ارض الواقع ومفيش حد مش حاسس بيه، يعني مبقناش نسمع عن البلطجة وحوادث السرقات والقتل في الفترة الاخيرة كماان قيام الحكومة بنقل الباعة الجائلين كان اكبر دليل علي ان الدولة واجهزة الامن استعادت عافيتها وقادرة علي مواجهة اي فوضي تهدد حياة المواطنين «، وان اي قرار اصدره كقرار زيادة اسعار البترول الشعب قدره لانه حاسس وشايف ظروف البلد وهو مصلحة لينا قبل اي حد، كما انه صريح مع شعبه ومهتم بالغلابة. اما مصطفي رياض سائق تاكسي اكد ان السيسي انه يكفيه الامن رجع زي زمان، وان مراتي وبنتي دلوقتي ينزلن الشارع وانا مش قلقان عليهم، اقدر اقف لاي زبون بدون خوف، لاني عارف انه لو ناوي يسرقني او يؤذيني مش هيقدر». السيسي معلم اكد محمد شريف محام، وان السيسي اقوال وليس افعال، استطاع ان يتخذ قرارات واجراءات صارمة وجادة خلال الفترة الماضية تصب في صالح البلد والمواطن البسيط، كما ان الحالة الاقتصادية للبلاد بدأت في التحسن لان السيسي يري ماذا يريد الشعب، وعلي المستوي الدولي أصبحت مصر لها كلمة ورأي مسموع في المحافل الدولية، هذا غير الترابط القوي في علاقاتها مع الدول العربية والاجنبية «. قال محمد شريف اذا التقيت بالرئيس سأقول له :» ربنا يوفقك ويعينك علي البلد وعلي الشعب وعلي الارهاب وكلنا وراك». « كفاية عليه انه واقف يمسك البلد في وقت كانت بتضيع مننا، ووقف قدام اكبر دولة في العالم، ونجح في التصدي للارهاب» بهذه الكلمات عبر عم ربيع ابراهيم «قهوجي» عن الرئيس السيسي، وعن انجازاته خلال المائة يوم قال عم ابراهيم:» عمل حاجات كتير للصح والاحسن ووحد الشعب المصري وجمعه مرة تانية، وخلي الناس كلها تاَمن علي فلوسها وهي في يد الدولة وتساهم بيها بدون خوف او قلق في مشروع قناة السويس الجديدة لانهم عارفين ان المشروع ده هيحل مشكلاتهم منها مشكلة البطالة، فالبلد دي ربنا حميها وان ربنا له حكمته في ان يضعها في يد امينة وهي الرئيس السيسي، الشعب كله بيحبه وواثق فيه ثقة عمياء، ولما بنسمع كلامه بنشعر انه خارج من القلب لانه رجل خير،وخلانا نتفاءل ويكون فيه امل في الحياة، وربنا يوفقه كمان وكمان ويعينه «. ربنا يحميه وقالت الحاجة لولا محمد ربة منزل «رخص العيش والافران، وزود التموين، ربنا يخليه لينا ويحميه من الحاسدين، والمفروض الناس تصبر عليه شوية كمان «. اذا قابلته سوف : «أحضنة وابوس راسه وهقوله ربنا يخليك لينا ويخليك للغلابة «. انا لو قابلت السيسي هقوله:» ياريت تفضل كده علي طول « هكذا عبرت سماح عبد الله عن شعورها اذا التقت بالرئيس، واضافت :» الشعب معاه في كل خطوة هيخطوها وفي كل حاجه هتصلح حال البلد، واحنا الغلابة مش عايزين منه غير حاجه واحده بس وهي اننا نصرف الدقيق بدل العيش «. وقال الحاج محمود «جزار» : «السيسي رجل محترم، وانا حسيت بالدفء والامان في الشارع، وخلي الوزراء في الحكومة تتحرك وتنزل الشارع وترصد مشاكل الناس بنفسها وتحل مشاكلهم، علشان كده الناس ضعيفة النفوس مش بتقدر تستغل الناس الغلابة بسبب وجود رقابة دايمة في كل سوق ومؤسسة ومصلحة حكومية، والناس كلها نفسها تساعد السيسي علشان البلد تتحسن».
